The Definitive Guide to Living in the Capital , Cairo , Egypt

تسوق -
توتي

توتى: خيارات متنوعة لملابس السهرة فى مدينة نصر

تم التقييم بواسطة
Salma Tantawi
قيم
قيم الآن
توتى: خيارات متنوعة لملابس السهرة فى مدينة نصر

الملابس الرسمية سواء للنهار أو
للمساء أكيد بـ تحتاج وقت كثير فى التسوق، خصوصًا لو بـ تدور فى واحد من أزحم
شوارع القاهرة، وممكن ما تأخذش بالك من محل «توتى – Totti» فى شارع عباس العقاد إلا لو بـ تدور
عليه بالتحديد. المحل عنده فساتين جودتها عالية وملابس للشغل هـ تندم كثير لو ما شفتهاش.

واجهة المحل معروض فيها جاكيتات ألوانها
مبهجة، جاكيت أخضر مزين بالنقط وأزرار (350 جنيه) معروض مع ألوان مختلفة من نفس
الموديل، وده صنع باقة هائلة من جواكيت الصيف. كمان لو بـ تدور على حاجة تعطيك
الطابع الرسمى يبقى البدلة الساتان السوداء هـ تبقى مناسبة جدًا، خامة الستان عمومًا بـ تكون ناعمة ولها ملمس حريرى وكمان
تقدر تتحمل كثرة الحركة.

“توتى” كمان عنده
فساتين سهرة سواء ماسكة على الجسمpencil
shape  أو جيبات واسعة كلهم صناعة
تركى وخامتهم ممتازة، ومن أبرز الموديلات الموجودة فستان أحمر قصير بكتف واحد مطرز
بفضى لامع (550 جنيه)، كمان فستان لونه سمنى أنيق يصل للركبة عليه طبقة من الستان
الأسود مغطاه بأكمله وحزام ستان أسود على الوسط (295 جنيه).

أحلى حاجة فى “توتى” أن
معظم الفساتين سعرها أقل من 600 جنيه، على الرغم من كده لو بصينا على الملابس الكاجوال
هـ نلاقيها مش ناعمة قوى وسعرها مرتفع إلى حد ما، عندهم تشكيلة من التي شيرتات
الطويلة، لكن الخامة واضح أنها مش مناسبة أو مريحة لفصل الصيف، التي شيرتات متوفرة
بألوان مبهجة زي الوردي الفاقع، والأزرق والبرتقالى.

لحسن الحظ الخامات كانت أفضل فى
القسم الثانى من المحل، اللى فيه برضه لبس كاجوال بس مركز أكثر على لبس للاستخدام
اليومي والجينز، وهـ نلاقي كمان فساتين عصرية زي فستان لطيف لونه سمنى مع أزرق
داكن (150 جنيه). أما التي شيرتات القصيرة شوية بـ تفتقد الإبداع فى التصميم كمان
تشكيلة البنطلونات الجينز تبدأ من (225 جنيه)، للأسف مافيش تصميمات متنوعة ومدى
تعدد المقاسات محدود.

فى خضم منافسة محلات التسوق
الموجودة فى القاهرة، حاجة حلوة أنك تلاقى محل ترتاح له، “توتى” جايب لك
فساتين مستوردة خامتها هائلة وكمان أسعارها ممتازة. وبالرغم أن مجموعة الملابس الكاجوال
مستواها أقل من ملابس السهرة لكن غالبًا -بعد زيارة أو اثنين- هـ يبقى من محلاتك
المفضلة.

نصيحة 360

تبعًا لقواعد المكان لا يسمح بالاستبدال أو الارتجاع.

أحسن حاجة

فساتين جميلة بأسعار ممتازة.  

أسوأ حاجة

الملابس العصرية غير مميزة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح