The Definitive Guide to Living in the Capital , Cairo , Egypt

سورس – Source

سورس: أحذية رخيصة وتخطف العين في المهندسين

  • 14 شارع سوريا
  • أحذية
  • 0237622718
  • 12 ظهراً - 12 صباحاً
تم التقييم بواسطة
Anne de Groot
قيم
قيم الآن
سورس: أحذية رخيصة وتخطف العين في المهندسين

أعطي أي بنت شنطة وحذاء جميل وأكيد هـ تبقى سعيدة، فيه كده حاجات لما
البنات بـ تلاقيها أو تكون معانا بـ تخلينا أسعد كائن وبـ تطير برج من دماغنا، نفس
الإحساس الجميل بالفرحة لما تشوف قطة صغيرة أو طفل جميل، محل «سورس – Source» في شارع سوريا في المهندسين مليان من الأرض للسقف
بالأحذية والشنط بكل الألوان والتصميمات اللي ممكن تلاقيها، وخلت الناقدة لما
شافتها كان هـ يغمى عليها من الفرحة.

على الرغم من أن محل «كلوب ألدو – Club Aldo» مشهور بأحذيته رخيصة الثمن، لكن يجي محل سورس ويحتل
نفس المرتبة معاه، مثلاً الباليرينا بـ 80 جنيه، والشباشب بـ 75 جنيه، في حين أن
اللي بالجلد تتكلف 100 جنيه، الشباشب تصميماتها عصرية طالما أنت بـ تحبي الأحذية
اللي فيها ماس ومجوهرات مزينة التصميمات، ففيه شبشب مزخرف بزجزاج ملون وفيه حذاء
ثاني مصمم بحيث لما تيجي تلبسه يبقى كأنك لابسة نجمة كبيرة جدًا في رجلك.

الباليرينا المعروضة في سورس تصميماتها عادية وتقليدية، وتقدري تلاقي هناك
كمان أشكال أصلية للأسبدري الأسباني بـ 80 جنيه فقط، أغلب الجزم الطرية بحوالي 130
جنيه بتصميمات عادية مع أنك ممكن تلاقي استثناءات، الصنادل اللي كعبها منخفض بـ 90
جنيه اختيار أفضل لأن تصميماتهم أرق والكعب أريح.

الاختيارات كثيرة، ناقدة الموضوع لما راحت لقت هناك قسم بـ يُباع فيه أغرب
تشكيلة شباشب شافتها في حياتها، زي شبشب بلاستيك عليه شكل فلفل ممكن ينفع يتلبس في
حفلة تنكرية، فيه جزمة ثانية فيها سمكة بلاستيك بـ تعوم وسط فقاعات ماء، وفي تصميم
ثاني فيه بطة مطاطية ما بين كرتين لونهم أسود، لو الجو الكارتوني ده مناسب لكي
ولذوقك وما عندكيش مانع تمشي بشبشب عليه علامة “صنع في الصين” كبيرة على
الجنب هـ تكلفك الزوج منها 80 جنيه.

فيه قسم ثاني للأسف بـ يعرض تصميمات مقلدة لماركات معروفة زي محافظ “شانيل”
و”لوي فيتون” ثمنها 50 جنيه، لكن شكلها مش جامد قوي وتقليدها مش مضبوط،
ولكن لو بـ تدوري على شنطة جديدة ممكن المحل ده يحقق لك حلمك، هـ تلاقي تصميمات وتشكيلة
ما بين 80 و100 جنيه على حسب التصميم، والشنط اللي شبه شنط التسوق بـ يتراوح سعرها
من 100 جنيه وممكن توصل لـ 175 جنيه. أغلب الشنط مصنوعة من البلاستيك طبعًا
والجودة مش قد كده، لكن بالنسبة للأسعار دي ده كافي بالنسبة لنا.   

احرصي على أنك تزوري سورس المرة الجاية لو خرجتي في نطاق المهندسين بـ
تدوري على شنط أو أحذية، المحل فيه تشكيلة كبيرة بأسعار رخيصة بتصميمات لطيفة، على
الرغم من أن الجودة ممكن ما تكونش عالية.

نصيحة 360

لو عاوزة الناس تعاملك وتأخذك على محمل الجد بلاش الشبشب اللي عليه بطة مطاطي.  

أحسن حاجة

الشباشب والجزم الطرية أسعارها وتصميماتها مبهجة.

أسوأ حاجة

أغلب المعروضات ما عليهاش بطاقة سعر، فلازم هـ تسألي على الأسعار بشكل مستمر، وكمان الجودة القليلة للأحذية مؤشر على أنها مش هـ تعيش معاكي للموسم القادم.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح