The Definitive Guide to Living in the Capital , Cairo , Egypt

عَجَل مصر – 3agal Masr

عجل مصر: محل دراجات متكامل فى أركان مول الشيخ زايد

  • أركان بلازا - الشيخ زايد
  • ترفيه
  • 01006653393
  • 10 صباحًا - 10 مساءً
تم التقييم بواسطة
Laila Rostom
قيم
قيم الآن
عجل مصر: محل دراجات متكامل فى أركان مول الشيخ زايد

تسألنى إزاى القاهرة تكون صحتها أحسن؟ طيب إزاى تقلل من الزحمة وتزود من النشاط البدنى؟ الإجابة فى كلمة واحدة: “الدراجة”.

باعتبارها طريقة تنقل سهلة، غير أنها رخيصة ونوع من التسلية، ركوب الدراجة أصبح موضة جديدة فى العاصمة، خصوصًا مع العدد المهول من محلات الدراجات اللى فتحت حديثًا.

بمكانه فى الدور الأرضى من أركان مول، “عجل مصر” محل صغير مليان دراجات سهل يفوتك، بـ يقدم دراجات من ماركات شهيرة مع إكسسوارات ضرورية. الدراجات الموجودة مقسمة لثلاث فئات: مرتفعات، داخل مدينة، ورياضية، كل منهم مختلفين فى الماركة والحجم على حسب استخدام الدراجة.

دراجات المرتفعات مناسبة لاستكشاف المناطق الوعرة، تتميز بتصميم متين مناسب للتنقلات الطويلة والمنحدرات. متوفر عدد محدود من عجل المرتفعات ماركة فوجى، وباسم نيفادا، له موديلات مختلفة، وأسعار بين 2600 جنيه و3000 جنيه. بالنسبة للبنات، كانت موجودة عجلة مرتفعات واحدة Addy 1.3 من فوجى سعرها 3350 جنيه.

عجل مصر بـ يقدم عجل ماركة فوجى للمرتفعات مخصص للأطفال. كان متوفر وقت زيارتنا فوجى ديناميت 20، موجود منها اللون الأزرق والرمادى (2200 جنيه) وكمان فوجى ديناميت 24، بألوان أخضر وأحمر، عندهم كمان عجل BMX للأطفال بموديل Freestyle Bianchi أسعارهم تتراوح بين 3500 جنيه و3900 جنيه، وموديل SE سعره 1900 جنيه موجود منهم الأصفر والأزرق.

لكل أهل القاهرة المُحبّين للتجول فى المدينة على عجلة خفيفة وسهلة، المحل بـ يوفر عجل للضواحى مناسب لاحتياجات المدينة اليومية منهم عجل فوجى وSE، أسعارهم بين 2400 جنيه و3600 جنيه، بألوان أزرق، ورمادى، وأخضر، وبرتقالى وأسود، وطولهم من 49 سم لغاية 58 سم.

بالنسبة للمحترفين، الدراجات الرياضية كانت برضه متوفرة وبـ تقدم ديناميكية حركية أكبر. المتوفر كان عجلة واحدة فوجى Absolute 1.3 باللون النبيتى (6000 جنيه).

عجل رجالى وحريمى للمحترفين ماركة SE كان برضه متوفر، يشملMonterey speed 21 باللون الأسود والأحمر (3000 جنيه)، وMonterey Speed 24 سعرها 3400 جنيه باللون الأزرق.

المحل عادة بـ يقدم عجل ثلاثى تقدر الأسرة تستمتع به، لكن للأسف وقت زيارتنا كان غير متوفر. كبديل، كان موجود عجل إلكترونى بموتور، كل المعروض عجلتين BH أسعارهم مرتفعة، من 17800 جنيه، وتطلع كمان لغاية 22300 جنيه.

أشهر نوع عجل من الموجود كان Fat Bike. عجل Fat Bikes مصممة لتحمل الثلج والصحراء، وتتميز بالاتزان الشديد والتصميم المتين، وكمان كاوتش أعرض. متوفر TommiSea Fat Sand Cruiser 3 Speed brand سعرها 8000 جنيه باللون البرتقالي، والأسود، والأخضر والأحمر، وكمانTommiSea Terrain Destroyer 8 Speed  باللون الأخضر، والأبيض، والأسود والبرتقالى (10500 جنيه).

التسوق بحثًا عن عجل مش حاجة بـ تتكرر كل يوم، ومع كم الفلوس المدفوع، من المهم تتعرف على كل الاختيارات الموجودة، عجل مصر لازم يكون من الأوائل على قائمة محلات الدراجة.

نصيحة 360

عجل مصر بـ يوفر صيانة كمان، اسأل فى المحل عن معلومات إضافية.

أحسن حاجة

تقدر تلاقى أى فئة عجل محتاجها.

أسوأ حاجة

المحل مليان ببضاعة لدرجة الاختناق.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح