The Definitive Guide to Living in the Capital , Cairo , Egypt

عزة فهمي

عزة فهمي: سيدة مصر الأولى في المجوهرات

تم التقييم بواسطة
Melissa Howell
قيم
قيم الآن
عزة فهمي: سيدة مصر الأولى في المجوهرات

لمّا مصممة المجوهرات المصرية عزة فهمي
إتخرجت من قسم تصميم الديكور من كلية الفنون الجميلة، أدركت إنها تقدر تبتكر أكتر فى
مجال الموضة. بدل ما تبتدى تدرس من جديد فى مجال حبها للمجوهرات، عزة فهمي إختارت إتجاه
غير تقليدي خالص وبدأت تتمرن فى سوق خان الخليلي التاريخي.

عزة فهمي قعدت تتدرب سنتين على الحرفة دي
تحت إشراف ناس من أحسن الحرفيين المصريين، والنهاردة، عزة بقت أكتر اسم معروف فى
مصر فى مجال المجوهرات الراقية، وبقت علامتها التجارية بمثابة سفيرة مصرية في
السوق العالمي.

عزة متخصصة فى عمل المشغولات الذهب
والفضة اللي جودتها عالية جداً٬ وأحياناً هـ تشوف الفضة والذهب مع بعض في نفس
القطعة. المشغولات معمولة بدقة كبيرة والتصميمات في منتهى الإبداع. حاجة بـ نلاحظها
في مشغولاتها، إنها دايماً بـ تستخدم الخط العربي وبـ تكتب بيه مُقتبسات من شعراء
و فلاسفة، وكمان بـ تستخدم كتير أشكال زى “كف فاطمة”. وبـ تستخدم رسومات
التجريد الهندسية كتير في تصميماتها. ده غير الأحجار زي  التورمالين والفيروز اللي بـ يزينوا التصميمات
العبقرية.

مشغولات عزة فهمي بـ تصميماتها ما بين
الرقة والبساطة والجرأة، زى الأساور الثلاثية الأبعاد والأحزمة المصممة لماركة «برين
– Preen» فى المملكة المتحدة. و فىه كمان خط إنتاجي للرجال غالباً بـ يبقى
فيه أزرار أكمام وشوية أساور وخواتم وأعقاد رجالي.

فرع محل عزة فهمي اللي فى الزمالك موجود
فى تقاطع شارع المرعشلي مع شارع طه حسين. المحل منور قوى والمشغولات معروضة في
دواليب إزاز ومتقسمين لـ3 أقسام كل واحد بـ يمثل خط من خطوط الإنتاج المختلفة٬
خطوط الإنتاج هم: ثقافة٬ موضة والطلبات الخاصة.

بالرغم أن أغلب الأسعار كانت مش باينة
فى العرض، لكننا لمحنا كده خاتم بـ حوالي 4000 جنيه، عليقات بسيطة معروف إنها بـ تكون
بحوالي 2000 جنيه، بس طبعاً إعمل حسابك أنك هـ تدفع أكثر من كده بـ كتير للمشغولات
الأثقل اللى فيها أحجار أو اللي عليها علامات لماركات عالمية.

مع إن المجوهرات وهمية، بس هـ تحس إن فيه
حاجة ناقصة وانت بـ تتفرج. وقت لمّا رحنا، البياعين ماكانوش ودودين مع الزباين
اللى مش باين عليهم إنهم ناويين يشتروا حاجة. فالأحسن للى بـ يحبوا يتفرجوا إنهم
يتفرجوا من بره المحل، أو من الويب سايت عشان عليه مجموعة أكبر من المشغولات. بس
عامةً، إحنا سمعنا من مصادر موثوق فيها إن البياعين فى فرع المعادي ألطف بـ كتير.

بالرغم من ان الأسعار عالية جداً٬ إلا إنك
لمّا بـ تشتري من عزة فهمي، إنت مش بس بـ تدفع عشان الماركة؛ بس برضه بـ تدفع فى
حاجة معمولة حلو قوي وتستاهل.

نصيحة 360

عزة فهمي بـ تجدد في موديلاتها كل موسم، و كل موديل بـ يبقى فى منه مشغولات عددها محدود قوي. فـ لو لقيت أن حاجة عجبتك، إلحق إشتريها بسرعة.

أحسن حاجة

مشغولات عزة فهمي حلوة وفريدة، ومعمولة بجودة عالية.

أسوأ حاجة

البياعين ماكانوش ودودين خالص.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح