The Definitive Guide to Living in the Capital , Cairo , Egypt

علي طه للدعاية والإعلانات

علي طه: هدايا يدوية من كنوز الكوربة الخفية

  • 30 شارع بغداد
  • هدايا
  • 0222910666
تم التقييم بواسطة
Aleksandra Sekinger
قيم
قيم الآن
علي طه: هدايا يدوية من كنوز الكوربة الخفية

من وقت للتاني وانت بـ تتمشى في القاهرة بـ
تعدي على محل ولا مطعم وتتفاجأ انك ماشوفتهوش قبل كده. «علي طه» محل مميز جداً ضمن
مجموعة المحلات المتنوعة اللي في شارع بغداد في الكوربة٬ في مصر الجديدة. ولو
ماكنتش بـ تدور عليه ممكن تعديه وماتخدش بالك منه. المحل مليان إكسسوارات منزلية
مصرية أصلية ومشغولات يدوية وهدايا.

المحل عنده مجموعة منتجات كل منتج منها
ممكن يبقى هدية رائعة. الهدايا دي منها منتجات جلدية زي أچندات٬ ماوس پاد 
Mouse pad
وإكسسوارات بناتي٬ ده بالإضافة لإكسسورات البيت.

عنده مفكرة جلد صناعة يدوية رائعة٬ عليها تصميمات
هندسية٬ ودي فيه منها 3 أحجام: الكبير حوالي 30 في 50 سم٬ وبـ200 جنيه. الأچندة
ممكن كمان تخليها شخصية أكتر وتطلب انه يتكتب عليها اللي انت عاوزه من برة. أما الماوس
پاد 
Mouse pad
فهي عبارة عن خرايط لمصر موضحة اهم المدن حوالين حوض النيل. تِوَك الشعر كمان تحف
فنية لأي بنت عايزة تعمل “لوك” بوهيمي شوية.

أغلب المشغولات والهدايا في المكان
إكسسورات منزلية. فيه مرايات بدوي وعربي ومصري راقية جداً بـ تبدأ من 250 جنيه.
المكان كمان عارض مصابيح بأشكال وأحجام ولإستخدامات مختلفة. من أول الأشكال
المودرن الإنسيابية المربعة اللي بـ تتحط على الأرض٬ لغاية البيضاوية التقليدية
اللي بـ تتحط على الترابيزات. المصابيح دول معمولين بحرفية عالية جداً وأسعارهم بـ
تبتدي من 200 جنيه. فيه كمان قواعد كوبايات بأشكال متنوعة٬ منها اللي واخد أشكال
هندسية إسلامية٬ وغيرها عليه جمال أو تصميمات فرعونية عليها عين حورس.

«علي طه» كمان عنده عبوات زجاج للعطور والزيوت٬
فلو بـ تجيب هدية لحد بـ يحب العطور ومنتجات العناية بالبشرة٬ ممكن تجيبله حاجة
كده أو حاجة من مجموعة صابون وكريمات «نفرتيتي». فيه كمان علبة بخور وشموع بـ تيجي
في علب صغيرة جميلة.

ولمُحبات شنط اليد المعمولة من قطع قماش
مختلفة متخيطة في بعض (مرقعة)٬ «علي طه» عنده ده بأشكال وأحجام مختلفة وألوان
مبهجة٬ أسعارها ما بين 200 و300 جنيه. وإشاربات منسوجة لقطة بألوان كتيرة جداً
بـ30 – 50 جنيه.

المحل كمان بـ يعمل شوية
ميداليات مفاتيح من الأجمل في القاهرة بـ15 جنيه بس. وممكن تخليها على شكل أول حرف
من اسم الشخص اللي بـ تجيب له الهدية. فلو الفوس اللي معاك من 15 جنيه لـ 200 جنيه
هـ تلاقي في «علي طه» هدية مناسبة وذوقها مصري أصلي.

نصيحة 360

دردش مع مسئول البيع عن المنتجات٬ أحياناً التصميم الذكي بـ يكون وراه معنى مش باين للمشتري العادي.

أحسن حاجة

تصميمات وجودة منتجات المحل أحسن من كتير من منافسينه في القاهرة.

أسوأ حاجة

ياريت لو المحل يخرج من مكانه الصغير ويتوسع عشان يمتع ناس اكثر بـ تصميماته المميزة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح