The Definitive Guide to Living in the Capital , Cairo , Egypt

فيرجين ميجاستور – Virgin Megastore

فيرجن ميجاستور: من الإبرة للصاروخ!

تم التقييم بواسطة
Wesam Masoud
قيم
قيم الآن
فيرجن ميجاستور: من الإبرة للصاروخ!

من حوالي خمس سنين وسيتي ستارز كان لسة بـ يقول يا
هادي فتح أول فرع
لـ«فيرجن ميجاستور- Virgin Megastore» قبل ما يكون فيه «سبينيز» او «كاسبر
اند جامبيني» و غيرهم كتير. « فيرجن» ساعتها كان سمة مميزة للمول. نقدر نقول «فيرجن»
اتوجد في ارض بِكر و بعيد عن اي منافسة و قدر يبقى رقم واحد في «سيتي ستارز» لـ المالتي
ميديا  
Multimedia: مزيكا، أفلام، كتب، تليفزيونات،
موبايلات…كل اللي قلبك يحبه.

المكان متقسم ٦ أقسام تقريباً، قسم الكتب و قسم الإلكترونيات
و قسم سيديهات المزيكا و قسم الأفلام الـ
 DVD
والألعاب.

و رغم أن كلمة ميجاستور بـ تدّي إيحاء أنه محل ضخم مليان
معروضات من الأرض للسقف إلا أن الحقيقة أن مساحته نفس مساحة «زارا –
ZARA» اللي
في نفس الدور في سيتي ستارز مثلاً و الإتنين أصغر من سبينيز
اللي في
الدور الأرضي بكتير، يعني واحد متسوق محترف ممكن ياخد ممراته رايح راجع
في خمس دقايق. و مع ذلك «زارا» معندوش تي-شيرتات عليها رسومات دمها خفيف زي اللي
في «فيرجن» ولا هـ تلاقي موسوعة «لاروس جاسترونوميك» للطبخ في «سبينيز»! فالمساحة
مش هي المقياس. الفكرة أن «فيرجن» مثالي لأي حد بـ يدور على آخر رواية لـ«باولو
كويلو»، فيلم لسة نازل
DVD ومش موجود في أي حتة،
آي بود
 
iPod و
مستلزماته. وعلى فكرة
تقريباً كل البوسترات و اللعب
و التي-شيرتات مش هـ تلاقي زيها في أي مكان تاني.

الألبومات والسيديهات عليها علامة «فيرجن»، العربي
والاجنبي و هـ تلاقي كل أنواع المزيكا من أول البوب لحد الجاز و السكا
Ska! 

قسم الكتب كبير نسبياً و يعتبر أحسن قسم، و متقسم بأنواع
الكتب. ركن الطبخ لواحده عايز زيارة إسبوعية ده للي غاوي طبعاً! و في كتب كتير
للتعليم الذاتي و الهوايات و في موسوعات كاملة في كل التخصصات و الأظرف موسوعات
المزيكا و السير الذاتية للفنانين العالميين و نجوم الروك!

فيه ركن كامل لألعاب البلاي ستيشن و كل إكسسوارته، و
هـ تلاقي كمان الجيتار بتاع لعبة «جيتار هيرو». ورا الركن ده فيه ركن لإسطوانات الـ
DVD  للأفلام العربي والأجنبي والمسلسلات
وغير الركن ده سيديهات المزيكا مترصصة على عواميد حوالين المحل.

أحياناً لما بـ يكون فيه محل عاوز يبقى بتاع كله، ينتهي به
الحال انه مش متخصص في حاجة، ولا مميز في حاجة بعينها! لكن ده مش حاصل مع «فيرجن»،
خالص! هـ تتعب و انت بـ تلف في «فيرجن» مش عشان هو كبير إنما عشان التشكيلات المتنوعة
من كل حاجة و اللي مرصوصة بشكل مغري قوي.

«فيرجن» مش هـ
يخذلك، هـ تلاقي كل اللي انت عايزه مدام مش بـ تدور على غسالة مثلاً!

نصيحة 360

خد فلوس كتير و انت رايح.. هـ تحتاجها.

أحسن حاجة

قسم الكتب فيه كتب من «ديوان» و «دار الشروق»، ويستحق الزيارة.

أسوأ حاجة

تي شيرت النادي الأهلي اللي بـ يتباع على الكاشير!

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح