The Definitive Guide to Living in the Capital , Cairo , Egypt

فيرو مودا – Vero Moda

فيرو مودا: سويترات وجاكيتات مريحة فى المهندسين

  • 5 شارع سوريا
  • ملابس حريمي
  • 0233449945
تم التقييم بواسطة
Alicia Yassin
قيم
قيم الآن
فيرو مودا: سويترات وجاكيتات مريحة فى المهندسين
زمان كان فيه وقت كان الناس أول ما توصل مصر تعرف أن احتمالية أنهم يقدروا يشتروا هدوم جديدة مش بس تحدى، ده كان يعتبر مهمة مستحيلة. وداعًا لبلاد بره بلبسها اللى معظمه تي شيرتات وأهلاً بك في القاهرة، المكان اللى تقدر تحصل فيه على اللى نفسك فيه. لحسن الحظ، دلوقت كل اللى محتاج تعمله علشان تزود تشكيلة هدومك أنك تروح المهندسين.

«فيرو مودا» واحد من سلاسل محلات كثير ظهرت فى القاهرة ووفرت مجموعة محبوبة من الهدوم الكاجوال بأسعار تعتبر معقولة. الفرع الموجود فى شارع سوريا واسع، وفيه دورين لعرض ملابس حريمى ورجالى.
فى رحلة البحث عن هدوم كاجوال، تنفع تتلبس كل يوم، “فيرو مودا” أثبت فعلاً أنه مكان مناسب. بأسعار من 100 إلى 150 جنيه، تقدرى تشترى تي شيرتات قطن بأكمام طويلة عليها إضافات شيك، زى A sheer back واللى بـ تيجى بتشكيلة من ألوان الشتاء زى الأخضر الفاتح، والأزرق الفاقع، أو سويتر واسع معمول كروشيه، وده مناسب لشهور الخريف فى القاهرة.
بأسعار مشابهة، فيه مجموعة من الجينز النحيف jeggings بألوان تقليدية مع ألوان ثانية أجرأ زى الأحمر، والأصفر أو الأخضر. تشكيلة الجينز رغم كده مش كبيرة، بس فيه شوية جينزات عملية بقصات سكينى لو ده اللى بـ تدورى عليه.
مع تشكيلة الخريف الجديدة بـ تيجى السويترات والجاكيتات علشان توفر دفء أكثر. جاكيتات بسيطة وطويلة من القطن من غير أزرار أو سوست موجودة باللون الأزرق الهادى، والأسود والرمادى سعرها 275 جنيه. سويترات مخططة بقصة عادية هـ تكلفك 255 جنيه، فى حين أن بنفس السعر تقدر تلاقى سويترات سادة بفرو. كمان فساتين شتوية مريحة موجودة بـ 255 جنيه فيه منها ألوان زى الأسود والنبيتى.
نروح على حاجات أغلى شوية بحوالى 500 جنيه، مجموعة من البالطوهات، جواكيت على ستايل ركاب الموتوسيكلات، ومعاطف طويلة للمطر ومعاطف شتوى كلها موجودة، خصوصًا جاكيت صوف سميك عليه رسم مربعات كان مميز قوى.
قسم الرجالى، رغم أنه أصغر من الحريمى بـ يقدم تشكيلة كبيرة من الجينز (تبدأ من 675 جنيه) واخدة معظم مساحة العرض. رغم كده، فيه حاجات ثانية زى تي شيرتات وملابس رياضية، بس الملاحظ أكثر كان الأحذية. بأسعار تبدأ من 599 جنيه، تقدر تلاقى أحذية برباط تشبة ماركات الكونفيرس والكيدز، مع مجموعة من السبيدرينات بألوان وأشكال مختلفة.
صحيح أن “فيرو مودا” يقدر يشبع احتياجاتك من هدوم جديدة تضاف لدولابك، بس لازم تستعد أنك تدفع شوية علشان ممكن سعر ثلاث قطع يوصل لـ 700 جنيه. كمان قسم الملابس الكاجوال هو أكثر حاجة تستحق الإشادة لأن ملابس السهرة شكلها ردئ وموضتها قديمة.
الخدمة فى الفرع مناسبة لتجربة التسوق؛ مفيش حد يضايقك أو يمشى وراءك، والتعامل مع طاقم العمل لطيف.

نصيحة 360

جرب الملابس عليك علشان ساعات المقاس ما بـ يكونش مضبوط زى المتوقع.

أحسن حاجة

اختيار كويس للملابس الكاجوال.

أسوأ حاجة

تقدر تقول من الصور المعلقة على الحائط أن ما عندهمش المجموعة كاملة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح