The Definitive Guide to Living in the Capital , Cairo , Egypt

على الرغم من
أنه موجود على الشارع لكن ممكن ما تلاحظوش وسط زحمة ودوشة المحلات المحيطة به فى
شارع البرازيل فى الزمالك، لكن أول ما تبص فى محل المجوهرات «فيم روشا – Femme Rochas» هـ يجذبك عرض وألوان العقود المرصعة بالأحجار وتشكيلة الخواتم
هناك.

المحل مساحته
صغيرة ولكن رغم كده هـ تلاقى فيه عدد لا نهائي من المنتجات من الأرض للسقف، حتى
كمان فى الفاترينة، هـ تلاقى هناك اللى ممكن تلاقيه فى أى محل مجوهرات من عقود، وأساور،
وحلقان. وكمان غير كده فيه إكسسوارات للمنزل زي الماجات، والصناديق المزخرفة،
وتماثيل على شكل حيوانات.

فيه قلادات
أو عقود مرصعة بالخرز بأحجام مختلفة، أغلى واحد هناك ممكن يوصل لـ 400 جنيه، كمان
فيه واحدة بلون أزرق سماوي جميل بنفس السعر، لكن الأصغر منها وبنفس الجودة والشكل
الجميل بـ 75 جنيه. فيه تشكيلة كبيرة من الحلقان منها الفضى وفيه اللى بأحجار عليها
تصميمات مودرن زي القلوب وسعرهم بـ يتراوح بين 35 و45 جنيه، فيه أسورة معمولة من
الحجر التركي اللى فيه عين الحسد كان أقلهم سعر بـ 20 جنيه للواحدة.

بعد فترة ما
جربنا إكسسوارات مختلفة كنا مبسوطين قوي لما اكتشفنا الحاجات اللقطة الموجودة في
المحل، صاحب المحل عنده تشكيلة خواتم تركي وهندي فريدة كان ممكن ما نشوفهمش إلا
أننا كنا صبورين ونفسنا طويل وإحنا بـ ندور، على الرغم أن التشكيلة بتاعتهم صغيرة
إلا أنهم من العلامات المميزة للمحل، أغلب ألوانهم أزرق وموف، المصنعية هناك مش
سهلة ومتطورة بالمقارنة بالمنتجات المصنوعة محليًا. وعلشان كده أسعارهم غالية هـ
تكلفك ما بين 300 إلى 400 جنيه.

إلى جانب
المجوهرات “فيم روشا” عنده إكسسوارات للبيت، الصناديق المصنوعة من العاج
سعرها معقول جدًا (الحجم الكبير 125 جنيه)، وعندهم كمان فواحة زيوت عطرية مصنوعة
من الزجاج بـ 25 جنيه.    

فى البداية
كان المكان ده محل ملابس وبعدين بقى محل عطور نسائية، «فيم روشا» مش محل أصلى ولكن
تشكيلة الحلقان والقلادات والخواتم جعلته مكان مميز ممكن تشتري منه إكسسوار يضيف
لمجموعتك من المجوهرات.