The Definitive Guide to Living in the Capital , Cairo , Egypt

تسوق
كيكس

كيكس: بالطوهات شيك بأسعار معقولة في مدينة نصر

  • 9 شارع البطراوي، متفرع من عباس العقاد
  • أطفال
تم التقييم بواسطة
Salma Tantawi
قيم
قيم الآن
كيكس: بالطوهات شيك بأسعار معقولة في مدينة نصر

في
الوقت اللي الماركات العالمية أصبحت منتشرة في كل المولات والشوارع التجارية في
كايرو، كان لازم يبقى فيه سوق ثاني للمنتجات المحلية أو اللي أسعارها هينة. «كيكس – Kiks»
في جنينة مول بـ يعمل التوازن ده، وظهر ده بوضوح في تشكيلة الملابس الشتوية السنة
دي للبنات والسيدات.

وبما
أن الجو كل سنة بـ يبقى أسقع من السنة اللي قبلها يبقى مافيش مانع يبقى عندنا بعض
الملابس الشتوية الأنيقة؛ ولحسن الحظ أكثر حاجة مميزة وهـ تأخذ بالك منها في «كيكس»
هي البالطوهات. أشكال متنوعة، ستايلات وخامات لمختلف الأعمار وهـ تحس أن
البالطوهات واخدة المساحة الأكبر من المحل، لكن فيه برضه طرقات تتمشى فيها وتتفرج على
المعروضات الموزعة على قسمين.

أول
قسم فيه المقاسات الكبيرة والموديلات الأكبر سنًا، زي الموديلات الكلاسيك اللي بـ
8 أزرار، واللي بـ تُقفل بطبقتين من على الصدر (Double Breasted) بألوان مختلفة من الأخضر الغامق (245 جنيه) لكن الصوف بتاعه
ملمسه خشن شوية، وفيه جاكيت طويل باللون الأبيض (326 جنيه) وده ملمسه ناعم لكن
للأسف ما كانش له جيوب حقيقية، وكان فيه جيوب “منظر بس” من الأمام.

فيه
كمان مجموعة من الجواكيت الصوف الطويلة الواسعة بألوان زي الأخضر والأزرق والبني
والبرتقالي بسعر 189 جنيه، وفيه جواكيت قصيرة على الوسط بالضبط باللون الأسود
وبثلثين أكمام بسعر 185 جنيه، والألوان الوقورة دي كمان موجودة في البلوزات الخفيفة
(135 جنيه) لكن فيه بعض الموديلات بألوان أكثر بهجة زي الوردي والبرتقالي ونقوشات
زهور عليها.

القسم
الثاني الأصغر في المحل مخصص للبنات الصغيرين والأطفال. ستايلاته مش بعيدة عن
الجو العام للمحل، بلوفرات بدون أكمام كاروهات باللون الأحمر، وفساتين باللون
الأبيض والأخضر وتحتها (جزء منها) شيرت أبيض عادي (132 جنيه)، وقسم الأطفال فيه
سويت شيرت بغطاء للرأس بـ 134 جنيه.

هـ
تلاقي نفسك بـ تبص في “تيكيت” الأسعار مرتين لأن فيه أسعار أقل من المتوقع بكثير، خاصة البالطوهات، لكن طبعًا فرق السعر ده بـ يبقى على حساب الجودة. وبالنسبة
للبلوفرات والجواكت وبما أننا غالبًا مش بـ نهتم قوي بالخامة وملمسها لأنها مش بـ
تبقى على الجسم مباشرة، لكن شكلها بـ يبقى حلو وبـ تظهر في اللبس أقيم وكأن سعرها
أكثر من كده بكثير.

نصيحة 360

كل المعروضات صناعة مصرية.

أحسن حاجة

تشكيلة كبيرة من البالطوهات للسيدات، وأسعار مذهلة.

أسوأ حاجة

مافيش معروضات كثير من أي ملابس ثانية.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح