The Definitive Guide to Living in the Capital , Cairo , Egypt

كيمونو كريز – Kimono Kraze

كيمونو كريز: بوتيك إلكتروني للكيمونو الياباني في القاهرة

تم التقييم بواسطة
Aliaa Serry
قيم
قيم الآن
كيمونو كريز: بوتيك إلكتروني للكيمونو الياباني في القاهرة

انطباعنا الأول عن موضات الملابس الجديدة والمطرقعة أنها غالبًا مش مريحة ومش عملية، بس الوصول للجمال محتاج تعب، صح؟ بوصول موضة الكيمونو السنة دي وتحوله لموضة منتشرة، من حق كل عشاق التسوق دلوقت بس يعيطوا من الفرحة، أه والله، أيوه بـ نتكلم جد، موضة مريحة وشكلها جذاب ومنتشرة.

"كيمونو كريز – Kimono Kraze" هو مشروع بيتي ناشئ لحبيبة أحمد، بـ تديره من خلال حساب على أنستجرام وصفحة الفيسبوك، وبـ تقدم فيهم كل أنواع الكيمونو الجاهز والتفصيل بكل الأطوال والأشكال.

دخلنا الأول على أنستجرام وتفرجنا على عشرات الأشكال من الكيمونو الجاهز، أكثر الحاجات اللي عجبتنا كانت كيمونو حرير بنفسجي فاتح (160 جنيه) وكيمونو دانتيل قصير سماوي ووردي (150 جنيه)، وكيمونو دانتيل أسود بشراشيب (180 جنيه) وكيمونو طويل نبيتي (200 جنيه).

قررنا بما أننا في موسم الصيف وده وقت الاسترخاء على البحر نطلب كيمونو دانتيل قصير (150 جنيه) وكيمونو أسود طويل دانتيل (200 جنيه)، وبعتنا لهم رسالة بطلبنا، من حسن الحظ أنهم ردوا علينا سريعًا واختياراتنا كلها كمان موجودة، وبعدها بعتنا العنوان ورقم التليفون علشان تأكيد الطلب.

الطلب احتاج 13 يوم علشان يوصل وتكلفة التوصيل كانت 50 جنيه، الحقيقة أن التسوق الإلكتروني في مصر لسه بـ يعاني من مشكلة –تحديدًا الاتفاقات اللي بـ تتم من على شبكات التواصل الاجتماعي– بس عمومًا، وبعيدًا عن أن الطلب احتاج حوالي أسبوعين علشان يوصل، ما نقدرش نقول أن كيمونو كريز عليه ملاحظات كبيرة، كنا خائفين كمان من حكاية فكرة المقاس الواحد للكيمونو، بس المدهش أن فعلًا مقاسه كان مضبوط وطوله بالمسطرة.

بشكل عام، تجربة التسوق من على كيمونو كريز كانت ناجحة بكل المقاييس، وكفاية أننا اشترينا طلبنا من غير الوقوف في طوابير طويلة وغرف اختبار الملابس الزحمة (أيوه، الحياة صعبة)، وأكيد هـ نشتري من عندهم ثاني.

بصراحة شديدة، كيمونو كريز يعتبر إضافة هائلة للمشروعات المحلية اللي بـ تعرض منتجاتها على الإنترنت، إيه اللي هـ يحصل لو الكيمونو موضته انتهيت –لا سمح الله–  دي قصة ثانية خالص.

نصيحة 360

كيمونو كريز عمل تخفيضات ومن المنتظر ينزلوا مجموعة جديدة للبحر، تابع حسابهم على أنستجرام.

أحسن حاجة

مقاس الكيمونو كان مناسب وثمنه على قد الميزانية.

أسوأ حاجة

الطلب وصل بعد وقت أطول من المتوقع.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح