The Definitive Guide to Living in the Capital , Cairo , Egypt

لاﭭلي ليس

لاﭭلي لايس: إكسسوارات منزلية مبتكرة وهدايا في هليوبوليس

لاﭭلي لايس: إكسسوارات منزلية مبتكرة وهدايا في هليوبوليس

البحث
عن هدية مناسبة دائمًا مهمة صعبة، بالذات لما تكون بـ تدور على هدية زواج مبتكرة.
لو عديت على «لاﭭلي لايس – Lovely Lace» الموجود في مول سيتي ستارز في المرحلة الثانية وأنت في طريقك
للفوود كورت الجديد، هـ تلاقي نفسك لازم تقف تتفرج على المحل المعمول بالديكور
الإنجليزي القديم بألوانه الوردي والحليات الساتان باللون البرتقالي الفاتح.
المعروضات صحيح شكلها بناتي بكل الدانتيل والنقشات اللي فيها، لكن أكيد هـ تلاقي
حاجات مناسبة تنفع هدية لعرسان جداد.

جودة
عالية وكله بثمنه! ممكن تجيب هدية شيك وتلفها بشكل من اختيارك ومعاها كارت تهنئة
بـ 100 جنيه. شمعة مغطاة بالساتان بـ 25 جنيه للحجم الوسط، وفيه أحجام وأشكال ثانية
بأسعار قريبة من كده. وفيه شموع على شكل عريس وعروسة الواحدة بـ 25 جنيه.

لو
بـ تدور على أفكار بسيطة للهدايا المنزلية فيه مجموعة من الزهور البلاستيكية لكن
لونهم البنفسجي ما كانش جذاب كفاية. وكان فيه علامة “Welcome” الخشبية اللي بـ تتحط على باب الشقة بـ 60 جنيه بجودة عالية
جدًا ومحفور على بروازها بالورود. ومن الأفكار اللي عجبتنا واللي تنفع لحديثي
الزواج كان صندوق للاحتفاظ بدعوات الفرح سعره كان 75 جنيه، وكان محطوط وسط براويز
الصور العادية.

البالون
الكبير المنفوخ في مدخل المحل  اللي عبارة
عن عريس وعروسة يخليك تعتقد أن المحل ده بتاع هدايا أفراح فقط، صحيح النوع ده من
الهدايا واخدة القطاع الأكبر من المحل، لكن فيه هدايا ثانية ظريفة لمناسبات أخرى
غير الزواج. فيه قسم لهدايا الأطفال والسبوع وبراويز باللون الأزرق الفاتح
والوردي. وعجبنا برواز محدد حوله دباديب صغيرة وكان سعره 145 جنيه.

أول ما تفتكر أنك خلصت المحل فرجة وتمشية هـ تلاقي قسم
كامل خلف الحائط بـ يقسم المحل لنصفين. ده كان قسم التغليف وفيه كل أنواع التغليف
من الجليتر اللي بـ يلمع والسوليفان وحاجات ثانية كثير. تغليف هدية بحجم متوسط مش
هـ يعدي 50 جنيه، وما تنساش تشوف الحائط اللي عليه كروت التهنئة اللي أسعارها
حوالي 30 جنيه.

محلات الهدايا في القاهرة بقت ظريفة جدًا خاصة أنهم
أصبحوا عارفين بالضبط الزبون بـ يدور على إيه.

نصيحة 360

لو عندك أي ملحوظات بخصوص تجربتك في التسوق في « لاﭭلي لايس» ممكن تبعت رأيك هنا.

أحسن حاجة

تشكيلة كبيرة من الهدايا المبتكرة عالية الجودة.

أسوأ حاجة

مافيش أي أسعار ملصوقة على المعروضات، لكن هـ يكون فيه دائمًا موظف قريب منك علشان تسأله عن الأسعار!

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح