The Definitive Guide to Living in the Capital , Cairo , Egypt

ليفر دو فرانس – Livres De France

ليفر دو فرانس: محل بيع كتب ساحر فى المعادي

تم التقييم بواسطة
Karim Rahman
قيم
قيم الآن
ليفر دو فرانس: محل بيع كتب ساحر فى المعادي

محلات بيع الكتب من العلامات المميزة لمنطقة المعادي. ده
بجد، مافيش زاوية أو ناصية شارع إلا ولازم تتوقع أنك تلاقيهم فيها، وطبعًا مع وجود
كل المكتبات دي أكيد فيه تنافسية عالية وبعضهم يعتبر أفضل وأشهر، لكن للأسف «ليفر
دو فرانس – Livres De France» ما وصلش للمرتبة دي.

 المحل سهل تلاقيه،
محاط بشجيرات صغيرة وزرع متسلق ويافطة مرسوم عليها بخط اليد اسم المكان. لكن المدخل
غير واضح وما تقدرش تلاحظه لأنه مستخبي فى جانب المبنى.

الديكور الداخلى للمكان مخيب للأمل، فيه مساحة صغيرة
مفتوحة لكن مليانة على آخرها من الأرض للسقف كتب، وفى نهاية الغرفة فيه طرقة بـ
تؤدي لغرفة أكبر لكتب الأطفال. الشباك الكبير الموجود في آخر الحائط شمال بالكاد
مدخل ضوء خافت لكن عامل تأثير حلو قوي على الأرضية والحوائط، الكتب محطوطة على
الأرض وبعضها فى صناديق أو على ترابيزات أو أرفف، وملفوفة ببلاستيك شفاف ودى طبعًا
حاجة كويسة وإضافة لهم لأن الكتب بـ تحتفظ بكونها جديدة وما بـ تتبهدلش عندهم.      

أغلب الكتب المعروضة مقتصرة بشكل أساسي على اللغة
الفرنسية، سواء كتب أصلية أو مترجمة من كتب مؤلفيها إنجليز أو مصريين (زي نجيب
محفوظ، وباولو كويلهو.. إلخ). فيه قسم للكتب الإنجليزي فقط لكن أغلبها متعلق
بالتاريخ المصري القديم. أسعار الكتب معقولة بـ تتراوح بين 60 إلى 80 جنيه للكتب
اللى غلافها ورقى، وبـ توصل لحد 200 جنيه للكتب اللى غلافها مقوى وفقًا لأقدمية أو
حداثة الكتاب. فيه كمان كتب متعددة بلغات مختلفة ومعاهم القاموس المرفق بهم للبيع،
أكثر مفاجأة كانت مفرحة لنا كانت قطة الشارع اللى أصحاب المكتبة تبنوها وقاعدة تحت
الكاشير على مخدة منفوخة.

بصفة عامة على الرغم من أن «ليفر دو فرانس» مكان ساحر
بالفعل إلا أنه مش بالضرورة من المكتبات المتميزة فى المجال. فكرة أن أغلب الكتب
فرنسية قلل من تميزها إلا أنه ممكن يعجب البعض.

نصيحة 360

دور بتمعن في صناديق الكتب المستعملة.

أحسن حاجة

قطة الشارع اللي تبنوها!

أسوأ حاجة

أكوام الكتب المحطوطة فوق بعض مخلية فيه صعوبة فى تفحص الكتب.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح