The Definitive Guide to Living in the Capital , Cairo , Egypt

لينرت & لاندروك – Lehnert & Landrock

لينرت & لاندروك: مكتبة، وجاليري، ودار نشر وكنز مستخبي في وسط البلد

  • 44 شارع شريف
  • مكتبات
  • 0223927606
تم التقييم بواسطة
Katie Dryden
قيم
قيم الآن
لينرت & لاندروك: مكتبة، وجاليري، ودار نشر وكنز مستخبي في وسط البلد

الحقيقة أن "لينرت & لاندروك – Lehnert & Landrock" يعتبر كنز ثمين مستخبي كويس وسط محلات شارع شريف باشا في وسط البلد، بتاريخه العريق من وقت افتتاحه سنة 1936، اسم المحل جاء من أسماء أصحابه، وهم اثنين أصدقاء من مواليد بوهيميا وساكسون، واللي نجاحهم الحقيقي بدأ في تونس سنة 1904.

رودولف فرانز لينرت وإرنست هينريك لاندروك كانوا في الأصل مصورين فوتوغرافيا، كٌتَّاب ومسافرين، وبعد سنين من السفر، وصلوا القاهرة وفيها فتحوا محل بـ يعبر عن كل هواياتهم: التصوير، والفن وكتب عن السفر والثقافة.

على مدار السنين، المحل قدر يحافظ على شكله تقريبًا، يمكن مع شوية بضاعة وقطع فنية زيادة، وتحديدًا مصنوعات يدوية في صورة منسوجات ممكن تشوفها على الأرض.

متوسط تكلفة الشنط هناك 110 جنيه، مع أساور خياطة بسيطة سعرها يبدأ من 10 جنيه. عندك كمان لوحات متعلقة على الحوائط بـ توضح قدر كبير من الصبر والشغل، معروضات ثانية من الخزف موجودة في الدور الثاني على شكل كوبايات، وزجاجات، وأطباق وسلطانيات، ومعظمهم عليه أشكال أو لمسات مصرية.

أغلب الكتب الموجودة هناك إنجليزي، وفيه شوية منهم ألماني، وفرنساوي وعربي ممكن تلاقيهم تحت عناوين تخص السفر والثقافة، الأسعار هناك عالية شوية، تبدأ من حوالي 100 جنيه للكتاب، بس كلها عناوين لسه جديدة طازة.

ده مش مجرد محل تشتري منه حاجات، يعتبر كمان جاليري نوعًا ما، وفيه قطع يدوية تاريخية من صنع الأستاذين، الفنانين والكتَّاب أصحاب المكان، منها كاميرا من صندوق خشب ومجموعة من الصور القديمة، وكلهم معروضين في كابينة زجاجية كبيرة. دول يعتبروا معرض في حد ذاتهم.

معروضات ملونة مبتكرة بـ تملأ الأرفف، وتقريبًا معظم الحاجات بـ تدور حول الثقافة المصرية من الكتب على الأرفف للوحات المتعلقة على الحوائط.

أسعار كثير من المعروضات عند لينرت & لاندروك تبان غالية شوية، لكن في نفس الوقت تعتبر مناسبة جدًا لو عملت حسابك أنك مش بـ تشتري حاجة عادية، أنت بـ تشتري قطعة فنية.

أكيد المكتبة تعتبر مكان مثالي للهدايا الصغيرة والكبيرة، خصوصًا أنها مليانة إكسسوارات زي قواعد كوبايات، هدايا للكريسماس منحوتة من الخشب، علامات كتب، بطاقات تهنئة، مفكرات، مغناطيس للثلاجات ونتائج، لينرت & لاندروك من المحلات اللي ممكن تلف فيها شوية حلوين.

نصيحة 360

تقدر تشتري مجموعة من الصور بالبرواز اللي تختاره.

أحسن حاجة

التشكيلة الضخمة والربط بين الجاليري/ المتحف والمحل بـ يخليك تلف في المحل على الأقل ثلاثين دقيقة من غير ملل، حاجات كثير ممكن تشوفها.

أسوأ حاجة

الكنز ده مستخبي كويس لدرجة أنك صعب تلاحظه.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح