The Definitive Guide to Living in the Capital , Cairo , Egypt

مزارع دينا

مزارع دينا: المزرعة المحلية بـ تجتاح السوبر ماركت فى الدقى

  • 19 شارع أمين الرفاعي
  • خضروات وفاكهة,سوبر ماركت
  • 19642
تم التقييم بواسطة
Hannah Cooper
قيم
قيم الآن
مزارع دينا: المزرعة المحلية بـ تجتاح السوبر ماركت فى الدقى

إحنا بـ نشجع الشركات المحلية على
قد ما نقدر والسوبر ماركت ده مش استثناء، فى سنة 1987 بدأت مزارع دينا بـ 1500
فدان لحد ما وصلوا لـ 4000. المحاصيل بـ تكون فواكة، ومحاصيل زراعية ومنتجات ألبان
وحاجات ثانية. منتجات مزارع دينا سهل تلاقيها عند محلات كثيرة فى المدينة، لكن
الفرع ده يعتبر سوبر ماركت متكامل عنده أشكال وألوان من المنتجات المختلفة، سواء
من مزارعهم أو مستوردة.

فى شارع أمين الرفاعى فى الدقى،
المتفرع من ميدان المساحة، مزارع دينا بـ تُمثّل اختيار ممتاز لو كنت فى المنطقة
وعاوز تهرب من الزحمة الشديدة فى ألفا أو مترو. الشَكل الخارجى اللطيف للمكان
يعتبر إضافة جيدة لنظافة المكان من الداخل وتنظيمه.

أول حاجة نحب نقولها أن المكان ده
ما عندوش مشكلة في الشوكولاتة! أصناف الشوكولاتة المحلية والمستوردة متوفرة
بزيادة، هـ تلاقى تشكيلة
متنوعة من أصناف الشوكولاتة المستوردة بالأضافة للبراونيز والكيك. علبة كيك ميكس
مستوردة من بيتى كروكر بـ 13.75 جنيه.  

على الشمال، هـ تشوف قسم منتجاتهم الممتازة بألوانها المبهرة.
الوقت ده يعتبر موسم البطيخ وتكلفة نصف بطيخة مقطوعة 7.72 جنيه. التفاح الأخضر
(15.95 جنيه للكيلو) كان شكله جذاب جدًا وكمان الجريب فروت والفلفل الرومى المُغلّف.
منتجات مغلفة ثانية زى الطماطم، والخيار، والباذنجان والموز. كمان هـ تلاقى عدد
كبير من المعلبات فى منتصف المكان مع منتجات مستوردة وشوية منتجات محلّية الصنع.
مع أنواع الأرز الإيطالى المخصوصة، اللى منها أرز السوشى، سعره 23.50 جنيه للكيس
الواحد. مربى “أطايب الريف” بـ تبدأ من 20 جنيه وبـ تتضمّن التين المجفف
وزهر البرتقال المُرّ.

بالنسبة لمنتجات ألبان دينا
المعروفة، 16.95 جنيه هـ تجيب لك 30 بيضة بنى بأحجام مختلفة فى حين أن ثمن لتر اللبن
بـ يكون بين 8: 10 جنيه.    

كمان
هـ تلاقى جزارة كاملة وكاونتر
طلبات للأكلات السريعة فى آخِر المكان وعنده تشكيلة متنوعة من قطع الفراخ واللحوم
مغلّفة مُسبقًا، ساندويتش شرائح اللحم، والجبن وحاجات ثانية كثير. طبعًا لو مش
لاقى الحاجة اللى بـ تدوّر عليها على الأرفف أو نفسك فى لحم مُقطعة طازجة قول
للموظّف اللى على الكاونتر. الموظفين ودودين جدًا وبـ يستجيبوا بسرعة. ضيف على ده
كله وجود قسم صغير -لكن متكامل- للمنظفات والأدوات المنزلية وبكده يبقى كله تمام.

لو الموضوع بإيدينا كانت مزارع
دينا هـ تتوسع لأماكن جديدة فى أقرب وقت ممكن.

نصيحة 360

خدمة التوصيل متوفرة.

أحسن حاجة

تجربة تسوق هادئة + منتجات ذات جَودة+ أسعار منافسة = تركيبة مبشرة جدًا.

أسوأ حاجة

مواعيد فرع الدقى من الساعة 12 ظهرًا إلى 8 مساءً.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح