The Definitive Guide to Living in the Capital , Cairo , Egypt

تسوق
كنوز مغربية – Moroccan Konooz

موروكان كنوز: لمسة مغربية فى القاهرة

  • 2 شارع إسماعيل محمد
  • أثاث ومستلزمات منزل
تم التقييم بواسطة
Lena Alsayegh
قيم
قيم الآن
موروكان كنوز: لمسة مغربية فى القاهرة
أكيد مع شباك العرض الجميل الموجود فوق مترو ماركت فى الزمالك، صعب تفوت المحل المشوق. لكن مع الأسف، أسعاره مرتفعة حبتين.
دخلنا علشان نعرف هل جلد الجمل الملون والمصابيح السلكية قريبين من إمكانياتنا المادية ولا لأ، والمفاجأة اللطيفة أن السعر كان 120 جنيه. علشان كده بعد ما فكرنا كثير فى أى تصميم عاجبنا أكثر، قررنا نتفرج على باقى المحل علشان نشوف باقى المعروضات عندهم.
معظم شغلهم عبارة عن أثاث كبير، أشكال متنوعة من الكومود المطعم بالخشب، برطمانات ديكور ضخمة، وكلها قطع مهمة وكمان أسعارها غالية. حتى القطع الصغيرة زى الأوانى، والطواجن، وطفايات السجائر برضه أسعارهم عالية. كنا فاكرين أننا قدرنا نلاقى مجموعة شاى لطيفة هدية لوالدتنا بس أول ما وصلنا للكاونتر أدركنا أن “المجموعة” كانت عبارة عن كوبايات بس، ولو زودت الأطباق السعر بـ يتضاعف، وعلشان تشطيبهم ما كانش حلو للدرجة، قررنا أننا نسيبهم.
بـ يقدموا كمان مجوهرات أنيقة شيك من الهند، مش ذهب حقيقى أو أحجار كريمة حقيقية، تقدرى تقولى عليهم تقليد. مجموعتهم من العقود والحلقان المتدلية تخطف العين وتصميمها قريب من الستايل الشرقي بأسعار تبدأ من 120 جنيه، بس ممكن تلاقى شغل أحسن.
القطع بـ تتشحن من المغرب، فلو كنت نفسك تشترى حاجة أصلية مضاف لها سعر الشحن والجمارك -بدلاً من تذكرة الطيران- يبقى هو ده أنسب مكان لك.

نصيحة 360

مكان المحل مش مناسب للناس اللى عاوزة مكان للركنة، روح بتاكسى أحسن.

أحسن حاجة

موروكان كنوز بـ يقدم  تصميمات أصلية قادمة رأسًا من المغرب.

أسوأ حاجة

الأسعار مش واضحة، استفسر من البائعين.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح