The Definitive Guide to Living in the Capital , Cairo , Egypt

تسوق
ميوز – Muse

ميوز: أثاث وإكسسوارات شيك فى الزمالك

  • 48 شارع محمد مظهر، الدور الأول
  • أثاث ومستلزمات منزل
تم التقييم بواسطة
Alicia Yassin
قيم
قيم الآن
ميوز: أثاث وإكسسوارات شيك فى الزمالك

يمكن عمرك ما زرته أو حتى سمعت عنه. على الأقل هو
ده إحساسنا بمحل الأثاث المختفى الموجود فى شارع محمد مظهر.

من الخارج تقدر تشوف
واجهة العرض وراء شجرة. الركنة ممكن تبقى مشكلة، لكن أول ما تركن، وبعد ما تطلع
السلالم، هـ يقابلك حاجة
زى باب بإطار ألومنيوم. دوس على جرس الباب وكده نقدر نقول لك “أهلا بك فى
ميوز”.

أول ما تدخل المكان هـ تحس بألفة وراحة والمعروضات كمان مغرية جدًا. مساحة الشقة الكبيرة بـ
تزود إعجابك بالمكان مع كل الغرف والأركان اللى بـ تدعوك أنك تتفرج عليها. زى ما هو
متوقع من أى محل أثاث، ميوز بـ يقدم مجموعة متنوعة من الكنبات وترابيزات الأكل، إلى
المستلزمات المنزلية زى الأباجورات والمخدات. المكان مزدحم بمعروضات كثير لكن
بطريقة مريحة، فـ يفضل أنك تأخذ وقتك علشان تشوف كل حاجة.

كنبة لونها بيج سادة على
شكل حرف L جودتها ممتازة بسعر 14900 جنيه، فى حين أن سجاد على الستايل الفارسى
ثمنه 12000 جنيه. فى نفس مستوى السعر ده، تقدر تلاقى قطع من منتجاتهم الخشبية
المميزة، اللى يعتبروا من المعالم المميزة فى المحل. ترابيزات أكل كبيرة، وبوفيهات
وألواح مستوحاة من شكل البراميل الخشبية وكل ده جزء من الأعمال الخشبية المتاحة.
تشطيب المنتجات ممتاز، والتصميمات عمومًا توحى بالأناقة.

ميوز مليان إكسسوارات. حائط
كامل عليه مخدات ملونة هـ تقابلك أول ما تدخل
الغرفة، سعر الواحدة هـ يكلفك 390 جنيه. كمان فيه أعمال فنية بأحجام
مختلفة وفازات كبيرة بألوان زاهية متاحة، مع بوفّات بأحجام متنوعة موجودة فى كل
أنحاء المحل. تقدر تختار بين الحجم الكبير (3900 جنيه) أو الحجم الأصغر (1200 جنيه)،
وكمان البوفات بـ تيجى بأشكال تنجيد متنوعة وروشة.

ميوز كمان بـ يقدم اختيارات
متنوعة للإضاءة، مثلاً إضاءة للسقف حجمها مناسب سعرها حوالى 3000 جنيه. كمان عندهم
تشكيلة صغيرة من اللوحات.

رغم أن فكرة البحث فى كل
القطع الموجودة كانت لطيفة، لكن حاجة تضايق شوية أنك مضطر تسأل على سعر كل حاجة عاوز
تستفسر عنها، وكمان الموظفين كانوا بـ يحتاجوا يرجعوا لدوسيه الورق علشان يدوروا
على القطعة المطلوبة، وأخيرًا يقولوا على سعرها.

ميوز
عنده تشكيلة لطيفة وأكيد بـ ننصح به لأى واحد عاوز يفرش شقته، أو يشترى هدية زواج.
رغم أن بعض القطع ممكن يبقوا أرخص شوية، أوعى تروح ميوز إلا وأنت ناوى تدفع فلوس كثير.

نصيحة 360

خذ وقتك فى البحث، ممكن تلاقى كنز.

أحسن حاجة

المنتجات الخشبية والبوفّات

أسوأ حاجة

لازم تسأل عن سعر كل حاجة، وبعدها تستنى علشان يدور عليها فى الدوسيه.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح