The Definitive Guide to Living in the Capital , Cairo , Egypt

تسوق
نيسبريسو

نيسبريسو: أجهزة تحضير قهوة حديثة فى داون تاون مول القطامية

تم التقييم بواسطة
Jessica Noble
قيم
قيم الآن
نيسبريسو: أجهزة تحضير قهوة حديثة فى داون تاون مول القطامية

على مدار العقد الأخير، ثقافة التسوق فى القاهرة توسعت لتشمل عشاق الموضة من أهل القاهرة، وواضح أنها بـ تغطى كل حاجة بداية من الماركات المشهورة، وصولاً للقهوة. قدر نيسكافيه، الاسم الشهير فى عالم القهوة أنه يجمع الاثنين فى “نيسبريسو – Nespresso”، اللى فيه يقدر خبراء القهوة أنهم يستمتعوا بجرعتهم اليومية من الكافيين بشكل أنيق راقى.

مع فروع نيسبريسو المنتشرة فى جميع أنحاء العالم، أملنا كله كان أن فرع داون تاون القطامية يقدر يجدد نشاطنا. المحل مكانه فى بداية المول، بـ ينضح بالأناقة والرقى مع اليافطة المميزة وشكل العرض المبهر. الموظفة كانت مهذبة ومتواضعة، وفى نفس الوقت فاهمة الجوانب الفنية للموضوع بشكل مميز.

كل ماكينة بـ تشتغل بكبسولة نيسبريسو صغيرة، والكبسولة بـ تحتوى على بودرة قهوة جاهزة، متوفر منها 16 نكهة متنوعة ومغلفة بحيث كل عشر كبسولات سعرهم من 47 جنيه إلى 52 جنيه. نيسبريسو بـ يقدم حبوب قهوة مستوردة من أبعد المناطق فى العالم، والشهيرة بقهوتها الغنية المميزة. فى وسط المحل موجود مركز صغير تقدر تجرب فيه القهوة، بس يوم زيارتنا كانوا فى انتظار وصول القهوة. سواء كنت مبتدئ أو محترف أول عملية شراء بـ تحصل معاها على عينة من كل نكهة علشان تقدر تعرف نوعك المفضل.

نيسبريسو مليان أجهزة تحضير قهوة منزلية بالإضافة لأجهزة مناسبة للمشاريع التجارية، وكمان عدد وفير من الإكسسوارات. أسعار الأجهزة المزودة بقاعدة work-top machines تبدأ من 1760 جنيه لموديلEssenza  الخالى من الإمكانيات الإضافية، و2475 جنيه للموديل اللطيف الصغير Pixie espresso maker ، وصولاُ لجهاز Lattissima بـتحكم آلى متكامل سعره 5000 جنيه، بـ يقدروا يحضروا أسبريسو باللبن ولاتيه. جهاز آخر لصنع رغوة الحليب هو Aeroccino سعره 1500 جنيه.

بالنسبة لأجهزة المشروعات أسعارها تتراوح بين 3575 لغاية 21.395 جنيه لصانع قهوة حجمه ضخم، بـ يكمله سخان مجّات مدمج. حامل كبير للجهاز السابق هـ يكلفك 11.000 جنيه.

من بين الإكسسوارات الموجودة مجموعة ماركات شيك من أكواب القهوة متاحة للشراء؛ كأسين بحجم الأسبريسو من الستانلس ستيل سعرهم 330 جنيه، واثنين من الزجاج معاهم طبقين لونهم أسود مطفى ثمنهم 260 جنيه. كبسولات توزيع زجاجية أسعارها بين 330 و880 جنيه على حسب السعة.

نيسبريسو حاله حال أى ماركة شهيرة أكيد أسعاره عالية، بس مين فينا يقدر يقاوم أنه يمتلك جهاز قهوة جذاب تحت أمره؟

نصيحة 360

نادى نيسبريسو بـ يقدم خدمة طلب الكبسولات على مدار الساعة، وكمان ضمان مجانى.

أحسن حاجة

نيسبريسو دلوقت فى مصر!

أسوأ حاجة

ما قدرناش نتذوق القهوة.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح