The Definitive Guide to Living in the Capital , Cairo , Egypt

نيفرتاري – Nefertari

نيفرتارى: منتجات طبيعية مصنوعة فى مصر للعناية بالجسم فى الدقى

  • 4 شارع السد العالي، أمام ألفا ماركت
  • صحة وتجميل
  • 0237615069
تم التقييم بواسطة
Hannah Cooper
قيم
قيم الآن
نيفرتارى: منتجات طبيعية مصنوعة فى مصر للعناية بالجسم فى الدقى
لما نتكلم عن شراء منتجات للعناية بالجسم فى القاهرة، عادة عندنا حاجة من اثنين: الموجود فى السوبر ماركت أو منتجات مستوردة أرقى. ومش محتاجين نقول أن الاختيارين فى الغالب بـ يكونوا مليانين على الآخر بمكونات غامضة مستحيل حتى تعرف تنطق أسمائها. لحسن الحظ، نيفرتارى مش بس بـ يحل المشكلة، ده كمان بـ يقدمها بطريقة نقية وطبيعية.
مع أكثر من ثمانية فروع وأكشاك منتشرة فى القاهرة، زى المعادى، الزمالك وسيتى ستارز، المحل ده موجود بقاله كام سنة وثبت أنه يقدر ينتج منتجات عناية بالجسم عالية الجودة كلها مصنوعة فى مصر.
المحل مكانه فى الدقى أمام ألفا ماركت، قريب من ميدان فينى. بـ يتمتع بمساحة كافية لعرض مجموعة منتجاتهم، مع نظافة العرض، وبـ يكمل الإحساس العام بالهدوء والسكينة فى المكان. أول ما تدخل، هـ تحس أنك انتقلت لمكان ثانى خالص بعيد عن الشارع المزعج بالخارج. موظف المبيعات كان دمه خفيف ومش بـ يستعجلنا وبـ يجاوب على أى سؤال عندنا.

لو كنت مهتم بفن تركيب العطور، ده أنسب مكان تروح له علشان تجيب الزيوت الأساسية بأسعار كويسة. أسعار الزيوت بـ تبدأ من 20 جنيه متضمنة العطور المعتادة زى اللافندر، والفانيليا والنعناع مع روائح ثانية. زيت ممتاز علشان يفوقك وينشطك اسمه نيرولى neroli، وممكن تلاقيه موجود. لأى أسئلة عن الفائدة من زيت معين، نيفرتارى بـ يقدم كتيب للشرح. فواحة خزف بألوان وتصميمات متعددة، سعرها بين 40 و 60 جنيه.
لو قررت تكافئ نفسك فى يوم بمنتجع صحى تعمله فى بيتك، تخزين شوية حاجات من منتجات نيفرتارى مش هـ يضرك. بـ يعملوا كمان أرواب رقيقة وشباشب من القطن المصرى الطبيعى، بالإضافة لأدوات تدليك تصميمها ممتاز. برضه عند نيفرتارى تشكيلة كبيرة من الليف، وملح الحمام وحاجات ثانية لحمام ممتع كل دول برائحة من روائح زيوت نيفرتارى الأساسية.
لو كنت بـ تدور على حاجة لشخص ثانى، تقدر تجيب علب الهدايا الموجودة بأسعار بين 60 و300 جنيه فيها صابون، وزيوت، وفوط للوجه وحاجات ثانية. علشان ملفوفة بطريقة شيك ومتحضرة كويس، العلب دى بـ تعتبر اختيار هدايا ممتاز لأى حد محتاج شوية تدليل وعناية.
اختيارات العناية الطبيعية مالهاش عدد ومع مجموعة نيفرتارى من المنتجات، الموضوع عمره ما كان سهل زى دلوقتى. هم فعلاً أصحاب مبدأ الجمال البسيط وطرق تجميل منعشة مالهاش مثيل. روح أى فرع من فروعهم برائحتها الخرافية و هـ تتفاجئ وتتشد للمنتجات اللى بـ يقدموها.

نصيحة 360

ما يفوتكش مجموعتهم من صابون الجليسرين.

أحسن حاجة

منتجات صديقة للبيئة والجسم بأسعار مناسبة؟ أكيد عاوزينها.

أسوأ حاجة

بعض الفروع بـ تقفل الساعة 5، فالأحسن أنك تتصل الأول.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح