The Definitive Guide to Living in the Capital , Cairo , Egypt

هوت برايس

هوت برايس: ملابس مناسبة لكل أفراد العائلة فى مدينة نصر

  • 28 شارع عباس العقاد
  • أحذية
  • 01115394313
تم التقييم بواسطة
Salma Tantawi
قيم
قيم الآن
هوت برايس: ملابس مناسبة لكل أفراد العائلة فى مدينة نصر

بالرغم من أن شوارع القاهرة فيها أماكن تسوق كثير بـ تزيد
يوم بعد يوم، لكن بـ تبقى حاجة مثيرة أنك تكتشف محل لسه فاتح جديد، خصوصًا لما
يكون فى شارع معروف ومزدحم بالحركة زى شارع عباس العقاد. «هوت برايس – Hot Price» محل أكيد هـ يعجبك، المكان عبارة عن دورين وعنده تشكيلة كبيرة من
الملابس لكل أفراد العائلة وبأسعار مناسبة.

فى الدور الأول هـ نلاقى الأحذية وملابس الأطفال، نبدأ بحذاء باليرينا كله
لون واحد بيج أو أبيض (55 جنيه لكل لون) كمان هـ نلاقى باليرينا من غير كعب
لونها بنى غامق (64 جنيه) وصنادل بكعب عالى (95 جنيه) ودي كانت بارزة عن باقى
الأحذية والصنادل بتصميماتها اللى تخطف العين.

أما
فى قسم ملابس الأطفال، تقدر تلاقى ملابس من سن الرضاعة لحد 10 سنين، ودائمًا هـ تلاقى مساعدة مفيدة علشان ترشدك
للمقاس المناسب من بين صفوف الفساتين اللطيفة، وسالوبيتات للأطفال اللى عليها
تصميمات على شكل ورود أو قماشها مطرز، بالرغم أنك ممكن تلاقى أخطاء إملائية لو عليها
كتابة.

سالوبيت
وردى نص كم مقاسه صفر (20 جنيه) موجود برضه بألوان ثانية وكان مقاسه وجودته كويسين
رغم أن  خامته من القطن الثقيل. كمان
بيجامة قطعتين لطفل عنده سنه واحدة سعرها حوالى 45 جنيه، فى حين أن فيه بنطلونات
جينز للأطفال الأكبر سنًا شوية يبدأ تقريبًا من 115 جنيه.

بعديها
طلعنا الدور الثانى، لاقينا الملابس الحريمى وشوفنا جاكيت بدون أكمام خامته صوف مع
بوليستر خفيف (95 جنيه) وأشكال ثانية فيها خياطة (45 جنيه) بألوان ترابية زى البيج
والرمادى المخضر. قسم الملابس اليومية كمان فيه جيبات طويلة عليها طباعة على
الأطراف، مصنوعة من خامات مناسبة لفصل الصيف وسعرها حوالى 60 جنيه.

قسم
ملابس البيت والبيجامات الحريمى بـ يتكون معظمه من أطقم قطعتين وحاجات بسيطة بـ
يكون البنطلون لوحده والتوب لوحده، ورغم كده هـ نلاقى حاجة أو اثنين حلوين زى توب أزرق سماوى ومعاه بنطلون أسود
مريح (85 جنيه).

قسم
الرجالى يعتبر أهدأ قسم والمعروضات فيه تقريبًا متشابهة شكله زى دولاب مُعلق فيه
تي شيرتات على بنطلونات وشورتات تقريبًا شبه بعض. الحاجة الوحيدة اللى كسرت حالة
الملل كانت صديرى ستايل الثمانينات لونه موف فاقع (85 جنيه) مُعلق أمام التي شيرتات
البولو (85 جنيه) ودي عندهم بكل ألوانها، بالإضافة لشورتات صيفى شيك بألوان مختلفة
(50 جنيه).

هوت
برايس بـ يعرض ملابس رجالى وحريمى وأطفال مريحة بأسعار معقولة، ده بالإضافة لأحذية
شيك للكل، ولازم نقول لك أنك محتاج تدور كويس وسط الملابس الموجودة علشان توصل للى
تقدر تقول عليه صفقة كسبانة.

نصيحة 360

كل المنتجات القطنية فى «هوت برايس» من القطن المصرى.

أحسن حاجة

مكان كويس لو عاوز تدور على أحذية فى وقت قليل.

أسوأ حاجة

أنت فعلا محتاج تدور فى الحاجة اللى هـ تجيبها علشان تتأكد أنها مش ناقصة أزرار أو فيها قَطع.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح