The Definitive Guide to Living in the Capital , Cairo , Egypt

تسوق
وادي فوود – Wadi Food

وادى فوود: مينى ماركت للأغذية العضوية فى الزمالك

  • 35 أ شارع محمد مظهر - الزمالك
  • أكل جورميه,سوبر ماركت
تم التقييم بواسطة
Tanya El Kashef
قيم
قيم الآن
وادى فوود: مينى ماركت للأغذية العضوية فى الزمالك

هو اسم مشترك فى بيوت مصرية كثيرة، “وادى فوود – Wadi Food” اسم محلى مشهور بمنتجاته من زيت الزيتون، والزيتون وأصناف متنوعة من المخللات. من وقت قريب، وإحنا بـ نتمشى فى شارع محمد مظهر فى الزمالك، لاحظنا أن وادى فوود افتتح فرع خاص به وسط مجموعة من العمارات، ومع مظهره البسيط المميز من الخارج كان لازم ندخل ونشوف إيه الأخبار.

كنا متوقعين نشوف مجموعة أكبر من المنتجات عن الموجود فى السوبر ماركت العادى، لكن المفاجأة أن وادى فوود أقرب لمينى ماركت منتجات عضوية، أكثر منه تكرار للموجود فى السوق. المكان نفسه نظيف ومرتب، وسط حائطين على يمين المكان المربع وشماله مليانين بالأغذية.درجات الألوان قدرت تضيف تميز لشكل الماركة، بألوان متنوعة من البنى، والأخضر، والأحمر، وكمان المنتجات المعروضة نفسها شكلها أنيق وتعبئتها جذابة.

على يمين المحل هـ تشوف الأغذية الطازجة. تقدر تلاقى وسطهم الحاجات التقليدية زى الطماطم، والخيار وباقى الخضروات العادية، بالنسبة للزيتون الأخضر المجفف بـ يباع بالكيلو، أما كيس من الفلفل الأحمر الحراق سعره 3جنيه. مشينا شوية مع الأرفف، وصلنا للبيض العضوى، وبجانبه براميل صغيرة فيها كل أنواع الزيتون الطازج بـ يتم تعبئته فى برطمانات وبيعه. أغلى نوع منهم كان كمية من زيتون كالاماطا سعره 30 جنيه، زيت الزيتون موجود تحت الصف، ومتوفر منه مجموعة من النكهات منها الثوم، والزعتر، والفلفل والروزمارى (20 جنيه/ الزجاجة).

أمامهم على الحائط الثانى، منتجات وادى فوود المعروفة معروضة، تشمل فول معلب، وبصل مخلل، وزيت زيتون، وزيتون فى برطمانات وزيتون أسود. بعد كده، هـ تلاقى كل أنواع التوابل، وبقسماط للقلى، وبهارات، وأنواع ثانية من الزيوت. عبوة حجمها معقول من الزنجبيل هـ تكلفك 22 جنيه، ونفس الكلام بالنسبة للكمون، أما سعر جوزةالطيب 73جنيه؛ زجاجة مياه ورد كان سعرها 11 جنيه. معروض كمان مجموعة متنوعة من الزيوت فى زجاجات صغيرة، منها الحبهان (6 جنيه)، زعتر (6.50 جنيه)، ولوز مر (4 جنيه). موجود كمان تشكيلة معقولة من العسل، منها برطمان عسل سدر جبلى سعرهيوصل حوالى 170 جنيه.

فى أخر المحل فريزر فيه أنواع من اللحوم منها أرانب (45 جنيه/ كيلو)، سمان (20 جنيه/ الاثنين)، وفراخ منها فراخ فيليه (50 جنيه/ كيلو). جنبه ثلاجة قريبة فيها أصناف من الجبن زى الحلومى، الفيتا، والماعز، أسعارهم حوالى 20 جنيه للعبوة، وكمان منتجات ألبان ثانية منها لبنة سورية، وكانت مميزة بسعرها (47 جنيه).

بشكل عام، محل وادى فوود فكرته هى تقديم تجربة تسوق متكاملة بتركيزه على المنتجات الطازجة والعضوية. ديكورات المكان مبهجة، والموظفين بـ يساعدوك لما تحتاجهم. مع عوامل نجاح كثيرة فى صالحهم، السؤال هو هل المحل الصغير أخذ الشهرة اللى يستحقها؟

نصيحة 360

وادى فوود بـ يوصل؛ اطلب 01004538215.

أحسن حاجة

زيت الزيتون.

أسوأ حاجة

الأحسن تروح بدري علشان تلحق منتجاتهم وهى طازجة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح