The Definitive Guide to Living in the Capital , Cairo , Egypt

الصورة الكاملة

الصورة الكاملة: ميراث الإعلامى على قناة On tv

  • إخباري
  • من الآن
  • أحمد عوض
تم التقييم بواسطة
Ahmed Abd El Gawad
قيم
قيم الآن
الصورة الكاملة: ميراث الإعلامى على قناة On tv

اعتراف:

أول اعتراف أن فيه برنامج اسمه الصورة الكاملة بـ يقدمه الإعلامى على عامر على قناة اسمها “الرشيد” لكنها مش مشهورة، ثاني حاجة أن للعرب قوة فى نطق اللغة العربية غير طبيعية لما يتقنوها، والثالث أن مدرسة bbc بـ تطلع ناس مختلفة طوال الوقت، والرابع أن فريق الإعداد والتحضير الجيد والحضور أمام الكاميرا ميراث الإعلامى.

 

ميراث:

ليليان داوود تربية مؤسسة (bbc)، لما أطلت على شاشة التليفزيون المصرى احتفظت بكل اللى اتعلمته من مدرستها، كونت فريق إعداد قوى ولسه محتفظة بحضورها الجيد أمام الكاميرا.. لسه بـ تحضر وبـ تذاكر كويس جدًا قبل الحلقة.. علشان كده تقدر تقول وأنت مستريح “ليليان داوود” إعلامية شاطرة.. بـ تمتلك ميراث الإعلامى.

 

الحضور:

البرنامج قائم على فكرة جيدة وهى توضيح الصورة الكاملة للحقيقة، والإعلام الحقيقى هو اللى بـ يدور على الحقيقة.. وده لازم يكون راجع لحاجتين:

قوة المذيع وحضوره على الشاشة وانجذاب الناس له، وتقديم الأطراف المختلفة للقضية الواحدة أو تخصيص حلقة منفصلة لكل طرف من أطراف النزاع.

ليليان عندها الحاجتين وأضف لها براعة المخرج اللى بـ يتنقل من لقطة للثانية ومن وجه لصورة كاملة للضيف لتقرير أو مشهد كامل للستوديو فى توقيتات محددة ومتماشية مع اللى بـ يحصل فى الحلقة.. والإمساك بزمام الحوار والانتقال من نقطة للثانية بسلاسة.

 

السلاسة:

البرنامج شايل همه من اسمه لأن الصورة الكاملة موضوع صعب.. وأن حد يدعى أنه قادر يقدم الصورة الكاملة للى بـ يحصل فى مصر والعالم العربى صعب جدًا وده أخذنا على اسم البرنامج صراحة.. مع أن فيه سلاسة فى اختيار الموضوعات لكن فى النهاية فيه حلقات عرضت لقضايا لكنها لم تقدم حلول لها زى حلقة قانون التظاهر مثلًا واللى حصلت فيه مشادة كلامية بين الصحفية إيمان عارف واللواء محمد نور الدين.

عمومًا لازم نقول أن في زحمة الحياة دائمًا بـ تغيب عننا وعن عيوننا اللى تعبت من كثر المشاهدة كتير من التفاصيل عن الصور اللى بـ نشوفها، لكن فى برنامج “الصورة الكاملة” بـ تحاول ليليان داوود رسم أبعاد ثانية وجديدة وشبه كاملة للحدث. بـ تغطى التفاصيل.. بـ تتابع.. وتحلل.. وتناقش .. وتحاور.. علشان ترسم صورة كاملة.

عجبك ؟ جرب

برنامج "تلت التلاتة" لعمرو خفاجى.

نصيحة 360

برنامج الصورة الكاملة، تقديم ليليان داوود، إخراج أحمد عوض، يعرض على قناة on tv  الخميس والجمعة والسبت 10 مساءً.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح