The Definitive Guide to Living in the Capital , Cairo , Egypt

أوبتيمم جيم

أوبتيمم جيم: صالة جيم شاملة وحصص لتعليم الفنون القتالية في المعادي

تم التقييم بواسطة
Karim Rahman
قيم
قيم الآن
أوبتيمم جيم: صالة جيم شاملة وحصص لتعليم الفنون القتالية في المعادي

كلنا سمعنا زمان جملة “ما تحكمش على الكتاب من
عنوانه”، وده حقيقي وبـ ينطبق دائمًا على مواقف وحاجات كثيرة في الحياة، زي
مثلاً «أوبتيمم چيم – Optimum Gem». مكانه جنب كارفور المعادي، والطريق اللي بـ يوصل للجيم شكله مش
مُشجع خالص، مش مسفلت كله والمباني اللي حوله في مراحل مختلفة من البناء والتشطيب.
غير أن المشوار نفسه متعب ويفصل الواحد، ومتوقع جدًا كمان أنك تتوه لو مش عارف
المنطقة قوي. لكن في الآخر كل ده هـ تنساه بمجرد ما توصل للجيم الكبير.

المبنى مساحته أكثر من 1500 م2، وله رهبة وأنت داخل من كثر
وسعه وضخامته، وهـ تحس أنك داخل ستاد روماني مش صالة جيم. الديكور الداخلي مظلم
وأحادي اللون، الحوائط لونها رمادي باهت مطفي والإضاءة بالنور النيون. رغم كده
الجو العام مش كئيب، بالعكس المكان بـ يعطي لك طاقة جامدة تخليك عاوز تفضل تجري
على المشاية الكهربائية بالساعات. أجزاء كبيرة من الحوائط فيها شبابيك كبيرة
وعالية من الأرض للسقف وبـ تطل على ملاعب الكرة، الحدائق، أو حمام السباحة اللي
حجمه زي حمامات سباحة الألعاب الأولمبية، منظر جميل جدًا يخلّي أي سباح هـ يموت
ويغطس فيه. منظر المياه الصافية وضوء الشمس اللي داخل من الشبابيك بـ يخلّي المكان
ده هو الأمثل للتمرين الصبح.

صالة الجيم نفسها مزودة كويس بالأجهزة. فيه أجهزة بزيادة مُرصصة
على الحوائط وأمام الشبابيك، من أول المشايات الكهربائية ولغاية الأوزان وأجهزة
الكارديو. حتى لو أنت مش فاهم كويس في ألعاب وأجهزة الجيم هـ تنبهر لمّا تلاقي أن
العاملين هناك متعاونين جدًا (سواء اللي على المكتب أو المدربين الشخصيين اللي بـ
يتجولوا في الجيم) وعندهم استعداد أنهم يساعدوك لو احتاجت حاجة. الجيم كمان بـ
يوفر مناطق منفصلة للسيدات، للرعاية بالأطفال، وكمان سپا وغرف تبديل ملابس، وكمان
ملاعب تنس وكرة قدم. الحاجة البارزة في الجيم ده هي الحصص المتوفرة. «أوبتيمم جيم»
بـ يقدم مجموعة كبيرة من الحصص زي الأيكيدو، ميكس الفنون القتالية (فنون الدفاع عن
النفس)، الملاكمة، المصارعة اليابانية، وغيرهم كثير.

تكلفة الاشتراك في الجيم ده عالية شويتين، اشتراك السنة بـ
3240 جنيه مع إمكانية تجميد شهرين من اشتراكك واستخدامهم بعدها، وده مفيد لو هـ
تسافر فترة أو حتى لو مشغول شوية زيادة. أما اشتراك الـ 6 شهور بـ 1890 جنيه. لكن
برضه، المرافق المتوفرة في الجيم ده تخلّي الأسعار دي معقولة لتجربة صحية ومثالية.

نصيحة 360

في الفترة دي الجيم عامل خصم 25% على الاشتراك السنوي.

أحسن حاجة

حمام السباحة اللي بحجم حمامات سباحة الألعاب الأولمبية.

أسوأ حاجة

مكان الجيم ممكن يتوه وصعب الوصول له.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح