The Definitive Guide to Living in the Capital , Cairo , Egypt

فيتنيس اند دانس اكاديمى – Fitness & Dance Academy

إف دي إيه: ﭼـيم كلاسيكي وأسعاره نار في الزمالك

  • 3 شارع طه حسين، الدور السابع والثامن
  • 0227377500
  • 6 صباحاً - 1 صباحاً
تم التقييم بواسطة
Melissa Howell
قيم
قيم الآن
إف دي إيه: ﭼـيم كلاسيكي وأسعاره نار في الزمالك

كلنا بـ نحب منظر الـﭼـيم
الواسع اللي فيه صف مشايات كتير وأجهزة وستوديو واسع لليوجا، بس أكيد مش بـ نحب
أنه يضحي بحاجة عشان خاطر التانية. في «جمعية اللياقة البدنية والرقص Fitness & Dance Associations»
هـ تلاقي الحاجتين واخدين حقهم.

المركز واخد آخر دورين في
مبنى «اليمامة سنتر» في الزمالك، فيه أوضتين فيهم مشايات عادية ويدوية وسلالم
التدريب « Stairs masters»
والعجلات الثابتة وفي مساحة كبيرة لتدريبات الأحمال والمعدات بتاعتها. الدور
السفلي مخصص للأمانات والدواليب وفيه ستوديو الرقص واليوجا وعجلات التدريب والـ «سبا
Spa»
وده المقصود بيه السونا وأوضة البخار.

فيه كمان زي صالون ترفيهي
فيه ترابيزة بلياردو وبيبي فووت أو «Football» وألعاب تانية لأي حد مكسل
يتدرب شوية.

المعدات في «إف دي إيه»
متوفرة بس قديمة شوية. الـﭼـيم تقريبًا مفروش بأجهزة التدريب المتعددة الاستخدامات
اللي اسمها « Cybex»،
بس مش الموديلات الحديثة قوي اللي فيها شاشة تليفزيون خاصة، وده في الحقيقة مش مهم
أصلاً. بس عشان ماتركزش قوي في التدريب المرهق؛ عاملين شاشات صغيرة على الحوائط
شغالة من غير صوت، وفيه مزيكا عالية شغالة في الخلفية عشان تحمسك للتدريب.

أوضة التدريب بالأوزان هي
الحاجة المُميزة للـﭼـيم، على الأقل جهازين دائمًا فاضيين من الأجهزة اللي ممكن
تحتاجها، يعني مش هـ تقف تستنى دور أبدًا. المكان اللي فيه الأوزان ضيق شوية بس
مترتب والمعدات مرصوصة فيه بشكل كويس.

الـ«سبا» الصغير فيه حوض
دافئ وشوية غرف بخار وبـ تشتغل بجدول محدد حسب أيام الرجال والسيدات. لما دخلنا
السونا أُحبطنا جدًا بعد ما لاقينا مفيش أنوار والأجهزة مطفية ومفيش أي إرشادات عن
كيفية تشغيل نظام الحرارة في الأوضة. الإضاءة في الستوديو برضه كانت ضعيفة أو مقفولة،
وحسينا بكده أكتر عشان حصص التدريب بتاعتنا كانت في الشتاء والإضاءة عمومًا أقل،
وده ضايقنا جدًا خاصة أن مفيش مكان واسع لليوجا في الدور العلوي المنور أكثر.

«إف دي إيه» بـ يفتح يوميًا
من 6 الصبح لحد 1 بعد منتصف الليل. العضوية لدخول الـﭼـيم بـ تشمل الـ«سبا» وجلسات
اللياقة وجلسات خاصة مع مدربين المكان ومكان بالجراﭺ اللي في المبنى.

العضوية
غالية قوي، اشتراك 6 شهور بـ3300 جنيه، اشتراك سنوي بـ4300 جنيه، ولو عايز
تجرب يوم واحد هـ يبقى بـ100 جنيه، الاشتراك بـ يتضمن الأيروبيكس وحصص الرقص
واليوجا كمان. وبما أن الأسعار غالية كده يبقى كان لازم يطوروا الأجهزة شوية أو
يجيبوا فوط للمتدربين على الأقل، بس لو بـ تدور على مكان تتمرن وتخس فيه بمنتهى
الجدية وبعد كده تعمل شوية يوجا أو ترقص في ستوديو على مزيكا «هيب هوب» ومستعد
تدفع كتير يبقى هو ده المكان الصح.

نصيحة 360

هات فوطتك الخاصة، مفيش فوط هناك.

أحسن حاجة

المدربين كتير قوي وممكن تطلب منهم المساعدة في أي وقت.

أسوأ حاجة

غالي قوي ومش نضيف قوي زي مراكز لياقة تانية كتير في القاهرة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح