The Definitive Guide to Living in the Capital , Cairo , Egypt

إيتس فيشي

إيتس فيشي: باديكير بالسمك غريب في سيتي ستارز

إيتس فيشي: باديكير بالسمك غريب في سيتي ستارز

كان عندنا فضول رهيب نعرف أكثر عن الباديكير اللي بـ يستخدموا فيه السمك،
كنا متحمسين جدًا لما سمعنا خبر أن في القاهرة دلوقتي منتجع صحي أو سبا بـ يستخدم
السمك في سيتي ستارز في هليوبوليس. أول ما السبا فتح ما قدرناش ننتظر ورحنا زرناه
على طول.

«إيتس فيشي –It’s Fishy » فتح في الدور
الأرضي في سيتي ستارز المرحلة الثانية بجانب «جولدن سينما -Golden
Cinema
» و”شوكو فولز – Choco Falls“. “إيتس
فيشي” صالون أنيق جدًا بديكور عصري، صعب جدًا تصدق أنك في «سيتس ستارز» يعني
ممكن تحس أنك في فيفث أﭬنيو Fifth Avenue في مدينة نيويورك. الصالون ده متخصص في باديكير ومانيكير لكن بمساعدة
السمك، صح زي ما قرأت. أنواع السمك دي بـ يطلق عليها اسم “جارا روفا” مهمتهم
أنهم يأكلوا الجلد الميت ويسيبوا الجلد السليم والصحي، قبل ما يجيء لك إحساس عجيب أو
كوابيس، السمك ما عندوش أسنان، هو بس بـ يقشر الجلد الميت.

قبل ما تضع
رجليك في حوض السمك، العاملين هناك بـ يغسلوا وينظفوا رجليك، هـ يعطوك شبشب تلبسه
وممكن تأخده معاك البيت. هناك فيه 8 أحواض سمك، فيه اثنين منهم عند ستارة علشان لو
بـ تحب الخصوصية. أول ما تحط رجليك في الماء السمك بـ يجري عليها وبـ يبدأ في تقشير
وإزالة الجلد الميت. بالظبط زي ما بـ نتخيل سمك البيرانا بـ ينقض عليك وأنت نازل
تستجم وتعوم في نهر الأمازون.

إحساس السمك
وهو بـ يزيل الجلد الميت غريب في الأول زي ما يكون بـ يدغدغك لكن بطريقة حلوة، وبعد
فترة قصيرة بـ تتعود عليه، لو حسيت أنه مش مريح قوي ممكن تحرك رجليك بطريقة هادئة ولطيفة،
شكل السمك مضحك وهو حول رجليك والنتيجة كويسة. بعد كده حسينا أن رجلنا كانت ناعمة
جدًا ومافيش أثر للجلد الميت، أول ما تخلص رجليك هـ تتنظف ثاني.

ممكن تجرب
علاج لمدة 15 دقيقة بـ 40 جنيه وممكن 30 دقيقة بـ 80 جنيه، رغم أن الصالون وقت ما
زرناه كان نظيف جدًا لكن إحنا لنا بعض المخاوف عن نظافة وصحة وسلامة النوع ده من العلاج.
“إت إيز فيش” بـ يقولوا أنهم بـ يغيروا الماء كل يوم وبـ ينتظروا ما بين
كل زبون والثاني 10 دقائق على الأقل علشان بـ ينقوا الماء. فيه دراسات على الإنترنت
أظهرت أن النوع ده من العلاج ممنوع في بعض الولايات بأمريكا، وفيه دراسة حديثة في
بريطانيا بـ تحذر من السبا اللي بـ يستخدم السمك لأنه بـ يساعد على نشر الأمراض.

إحنا مش بـ نقول
أن ده ممكن يحصل في “إيتس فيشي”، ده تحذير عام لك. قبل ما تزور المكان
حاول تعرف شوية عن التجربة دي. العاملين هناك كويسين جدًا وممكن تسألهم كل اللي أنت
عاوزه.

نصيحة 360

روح مع مجموعة أصدقاء، أحواض السمك كلها جنب بعض فممكن تقعدوا مع بعض.

أحسن حاجة

هو علاج غريب شوية، لكن مفعوله كويس جدًا، رجلنا كانت ناعمة جدًا بعدها.

أسوأ حاجة

العلاج بـ 80 جنيه كثير أما يكون الباديكير العادي بـ يقعد أطول.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح