The Definitive Guide to Living in the Capital , Cairo , Egypt

منتجع توازن الصحي

توازن: حصص يوجا للذهن والجسم في وسط البلد

  • 5 شارع يوسف الجندي
  • 01095557266
تم التقييم بواسطة
Hannah Cooper
قيم
قيم الآن
توازن: حصص يوجا للذهن والجسم في وسط البلد

في وسط
دوشة وزحمة وسط البلد اتفاجئنا بوجود مهرب صغير هادي٬ الواحد يقدر يستمتع فيه
بشوية سلام بعيد عن توتر الشغل والشارع. «توازن» ستوديو يوجا في شارع يوسف الجندي٬
وعلى فكرة من الصعب أننا نلاقي ستوديو لممارسة اليوجا في وسط البلد٬ غالبًا ما بـ
يكونوا في أماكن متطرفة وهادئة.

الستوديو جواه سلام وسكينة، بسيط ومستخبي من
دوشة الشارع. موجود في الدور التاني من عمارة من عمائر وسط البلد المهملين،
«توازن» لسه بـ يبدأ خطواته الأولى في المجال. فتحته مديرته ومالكته «سليمة بركات»
من حوالي سنة، وهو دلوقتي بـ يقدم حصص «أشتانجا -ashtanga »
و«سيفاناندا -sivananda » ودي
أنواع من اليوجا و«تاي شي» (فن من الفنون القتالية الصينية).

ومع أن أغلب الحصص بالليل، فيه كام حصة
الصبح. وبالنسبة إلى مبتدئي اليوجا، ممكن يلاقوا أنهم مش قادرين يلاحقوا على
تدريبات المدربة «نينا» اللي بـ تكون ساعة وربع من يوجا الـ«أشتانجا».

غرفة اليوجا صغيرة، بس مليانة على آخرها
بالإصرار والعزيمة. حصة الـ«أشتانجا» بـ يكون فيها أربع أو خمس متدربين أقصى حاجة،
وده علشان بـ يبقى عندهم مساحة كافية للتدريب ويقدر المدرب يوزع وقته واهتمامه
عليهم بطريقة متوازنة ومفيدة لهم. الحوائط مغطاة بمرايا علشان تساعد المتدربين
يظبطوا وضعياتهم على الحصير (الرياضي) اللي بـ يوفره الستوديو.

«أشتانجا» عبارة عن مجموعة متدرجة من
الوضعيات مع تزامنها مع التنفس. العملية دي بـ تولد قدر كبير من الحرارة وده بـ
يساعد على إفراز كمية كبيرة من العرق وده بدوره بـ يساعد على تطهير الجسم من سموم
كثيرة. ومش محتاجين نقول أنك لو هـ تروح محتاج تكون مستعد أنك تعرق٬ فالبس اللبس
المظبوط. المهم، النتيجة بـ تكون أنك تحس أنك أخف وأقوى٬ ده غير أن الدورة الدموية
بـ تبقى أحسن وبالك بـ يروق.

«نينا» على طول بـ تخلي جو الحصة لذيذ
ومسترخي٬ علشان هي من الناس المليانة سلام وطاقة إيجابية. بـ نبتدي التدريب
بمجموعة من «تحيات الشمس – Sun Salutations» والمتدربين بـ
يكونوا على وعي ودراية تامة بمعدلات تنفسهم وهم بـ يتحركوا. «نينا» مش بس صبورة مع
كل متدرب٬ دي كمان بـ تساعدهم يعملوا الوضعيات اللي ممكن تحس أنها مستحيلة٬ ومع ده
بـ تسيب لهم الوقت اللي محتاجينه من غير صربعة مع بعض التأمل ما بين الوضعيات
المختلفة اللى بـ يعطى مساحة  للهدوء الداخلي وحافز أن الواحد
يعمل الوضعية اللي بعدها.

مع نهاية الحصة، الأنوار بـ تهدى وبـ يبقى فيه
وقت كافي أننا نأخذ وضعية مستلقية تمامًا على الأرض٬ وفي اليوجا دي اسمها وضعية
الجثة أو الـ«كوربس بوز – corpse pose»  وده بـ يسمح للجسم والعقل أنهم يسترخوا ويبدأوا يجنوا ثمار
التدريب.

لو
هـ تروح تحضر حصة في أي وقت من غير اشتراك هـ تدفع 80 جنيه٬ وللخمس حصص 300 جنيه٬
و600 للـ12 حصة.

نصيحة 360

خذ حصصك بالليل، هـ تكون طريقة رائعة أنك تسترخي وتتخلص من ضغط الشغل.

أحسن حاجة

تدريب «نينا» عميق، شامل، وهي صبورة ومتفهمة.

أسوأ حاجة

ممكن مواعيد الحصص تكون غير مناسبة لك.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح