The Definitive Guide to Living in the Capital , Cairo , Egypt

صحة ولياقة
ستوديو 2D2

ستوديو “2D2”: دعوة لتعلم أشهر الرقصات اللاتينية

  • 8 ميدان بن الوليد - بالقرب من نادى الصيد
تم التقييم بواسطة
Engy Azzam
قيم
قيم الآن
ستوديو “2D2”: دعوة لتعلم أشهر الرقصات اللاتينية

مش لازم تكون نحيف أو مليان، مش شرط تكون طويل أو قصير،
ومش شرط تكون البنت لابسة حجاب أو من غير، المهم أنك تكون نويت تخوض تجربة جديدة
من نوعها، تجربة السفر إلى أمريكا اللاتينية وأنت لسة على أرض مصر من خلال الرقص
على إيقاع أشهر أغانى الرقص اللاتينية زى السالسا، والرومبا، والتشا تشا، والمامبو،
والباشتا.

الفرصة لسه أمامك لو قررت تخوض التجربة، لأن ستوديو
“2D2” بـ يقدم كورسات تعليم فنون
الرقص اللاتيني بأشكالها المتنوعة، وكل أسبوعين بـ يبدأ كورسات جديدة، يعنى مثلاً
الكورس اللى لسه بادئ هو كورس السالسا فى 10 مارس، والحصة الثانية هـ تبقى فى 13 من
نفس الشهر.

كورس الرقص اللاتيني بـ يبقى عبارة عن 8 حصص، وفى كل
أسبوع بـ يبقى فيه حصتين غالبًا بـ يكونوا كل سبت وثلاثاء، ومواعيد الكورس مسائية
بـ تبدأ من أول الساعة 7 مساءً، ومدة الحصة ساعة، وتكلفة الكورس 500 جنيه،
الستوديو عبارة عن دور فى عمارة قريب من نادى الصيد بالدقي، ومافيش مانع لو حجزت
فى نفس اليوم، لكن روح بدرى شوية بحوالى ساعة أو نصف ساعة.

حاليًا كل أنواع الرقص اللاتيني متوفر تدريبها بالستوديو
إلا التانجو، طبعًا يُفضل أنك تتصل بالستوديو قبل ما تروح هناك علشان تحجز أو علشان
تأخذ فكرة عن طبيعة الكورس هناك، من وقت للثانى بـ يبقى فيه وقت مخصص لاستقبال
الناس اللى عاوزة تأخذ فكرة عن شكل الرقصات المقدمة، والتكنيك المستخدم فى تدريس
الرقص واحترافه، والوقت ده بـ يبقى مهم جدًا خاصة للناس اللى مالهاش أى خلفية عن
الرقص اللاتيني وما جربتش تمارسه قبل كده.

من ألطف الحاجات اللى بـ يقدمها الستوديو هو أن هناك
نوعين من المجموعات اللى بـ تأخذ الكورسات، يعنى بـ يبقى فيه مجموعة مختلطة من الأولاد
والبنات، وكمان أحيانًا بـ يبقى فيه أجانب من ضمن المتدربين ومجموعة من نوع واحد
فقط، كمان بـ يبقى فيه مدربين من الجنسين علشان لو فيه حد بـ يحرج من المتدربين.
ولو كنت فاكر أن طبيعة الرقصات اللى بـ يقدمها الستوديو بـ تشترط وجود شريك معاك
فده غير صحيح، كمان ما تقلقوش من المدربين فالتعامل معاهم سهل لأنهم كلهم مصريين.

مافيش شروط محددة للبس اللى بـ تكونوا لابسينه ساعة
التدريب، أما بالنسبة للبنات يفضل الجزم اللى من غير كعب، وبرضه بلاش الكوتشى لأنه
بـ يعاكس فى الأرض ويضعف من مرونة الحركة.

ستوديو “2D2” له صفحة على
الفيسبوك
ومهم جدًا متابعتها لأن بـ يبقى عليها إعلانات عن كورسات فى أماكن ثانية
خارج القاهرة أو أماكن ثانية داخل القاهرة نفسها، كمان الستوديو هـ يفتح فروع له
فى مناطق ثانية غير الدقى.

نصيحة 360

اتصلوا قبل ما تروحوا.

أحسن حاجة

وجود تنوع فى المجموعات والمدربين.

أسوأ حاجة

مكان الستوديو ممكن يكون بعيد بالنسبة لناس كثير.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح