The Definitive Guide to Living in the Capital , Cairo , Egypt

كرفز – Curves

كيرﭬز: معروف في العالم كله.. والرجال يمتنعون!

  • 27 شارع 263
  • 0225170390
تم التقييم بواسطة
Hannah Cooper
قيم
قيم الآن
كيرﭬز: معروف في العالم كله.. والرجال يمتنعون!

ﭼيم للسيدات فقط بقى حاجة مألوفة
جدًا في القاهرة، و«كيرﭬز – Curves» جيم مش بس بـ يقدم للسيدات المصريات جو مريح
وفيه خصوصية لممارسة الرياضة، ده فيه مواصفات مختلفة وفريدة بـ تميزه عن غيره وبـ
تخليه جذاب لسيدات كثير.

أصل «كيرﭬز» من أمريكا وله فروع كثيرة
فى العالم كله من ضمنهم 9 فروع في القاهرة. الفرع الأول بدأ نشاطه واشتغل من سنتين
وبعد نجاحه فتح فروع ثانية في القاهرة.

«كيرﭬز» معتز تمامًا بحصص
الأيروبيكس بتاعته، واللي بـ يوعد كل مُتمرنة فيها بأن الحصة الـ30 دقيقة -المكونة
من 14 مرحلة- هـ تحرق فيها 500 سعر حراري.

الآلات في «كيرﭬز» مصممة مخصوص
للسيدات وبـ تعمل بنظام «هيدروليكي» يعني مافيش أوزان وفيه الآلات بدل الحمل أو
خفض الأثقال، بـ تدفعيها أو بـ تسحبيها، وده بـ يقلل من أوجاع أو إصابات العظام
وبـ يحسن قوة العضلة.

فرع «كيرﭬز» الموجود فى «المعادى
الجديدة» على طول زحمة ومليان بالطاقة والنشاط. الباب الخارجي زجاجه من النوع اللى
مش بـ يبين اللي وراه والـﭼيم كله من جوه لونه موﭪ والأغاني الشغالة كلها هيب هوب.
على الحيطان لوح مكتوب فيها كلمات تشجيعية زي «احنا هـ نتفوق على البطاطس
المحمرة»، ودي جزء من اللمسات الأنثوية اللي طاغية على المكان.

الآلات محطوطة في شكل دائري، وهما
مقتنعين أن ده أسلوب كويس عشان تعرف تتكلم مع اللي جنبك وبـ يشجع على إحساسك بوجود
مجتمع حواليك وأنت بـ تلعب.

المدربين اللطاف هـ يعدوا عليك كل
شوية ويشجعوك وبـ يحطوا «شريحة إلكترونية – microchip» في الآلة اللي أنت بـ تلعب عليها عشان
يراقبوا التطور بتاعك، وعدد السعرات الحرارية اللي بـ تحرقها.

المكان كمان بـ يقدم حصص رقص شرقى
و«هولا هوب». في أول زيارة للـﭽيم القائمين على المكان بـ يدولك جولة فى المكان علشان
تتعرف عليه وكمان بـ يعملوا تقييم لوزنك، بالإضافة إلى نسبة الدهون ومعدلات الحرق
في الجسم.

المشكلة بـ تبدأ عند الدفع: 3
شهور اشتراك فى «كيرﭬز» هـ تكلفك 1500 جنيه، واشتراك لمدة سنة واحدة بـ3000 جنيه،
السعر غالى مقارنة بصالات الـﭼيم التانية اللي ممكن تكون بـ تقدم خدمات أكثر.

العاملين فى «كيرﭬز»
لطاف والمكان مشجع لممارسة الرياضة، بس حاول أنك لما تروح تكون بعافيتك وعندك طاقة
وحماس كافي للتمرينات.

نصيحة 360

لو اشتركت في «كيرﭬز» هـ تقدر تروح أي فرع من فروعه التسعة في القاهرة.

أحسن حاجة

الآلات الهيدروليكية أفضل كثير من آلات الأوزان.

أسوأ حاجة

الجو ممكن يكون بناتي بزيادة!

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح