The Definitive Guide to Living in the Capital , Cairo , Egypt

مع
الفروع الموجودة بالفعل فى المهندسين، ومصر الجديدة، والشيخ زايد، «لا كوبيه – La
Coupe» أخيرًا
وصل للزمالك فى شارع محمد أنيس.

بالقرب
من مطعم «ديدوس – didos» هـ تلاقى فرع الزمالك مسافة مشى من شارع المرعشلى وطه حسين، تصميمه
بالأبيض والأسود والرمادى، والشباك الكبير على الجنب، بـ يعطوك إحساس لأى درجة
المكان فعلاً واسع وفخم.

وعلشان
الشعر بدأ ينمو وحسينا أنه محتاج تقليم قررنا نخلى مروان -مصفف الشعر– يعطينا نصائح،
وبعد مشاورات قررنا نختار صبغة بلون الشوكولاتة البنى، بدأنا بمرحلة اللون (250- 350
جنيه)، مصمم الألوان اشتغل على الجذور وفى نفس الوقت المساعد خلط اللون الأساسى
تحت إشراف مروان. المصمم كان حريص أن الخليط يكون متماسك ومخلوط كويس، لكن ساب
مجال لأشعة الشمس برضه.

بعد
الصبغة اختارنا علاج أمبولة كيراستس Kérastase (100 جنيه) علشان الترطيب، النتيجة النهائية كانت بالضبط اللى إحنا
عاوزينه، لون الشوكولاتة البنى الغنى شديد الحمرة.

قالوا
لنا أن مروان بـ يعمل معجزات في الشعر القصير، وبالرغم من أن إحنا عانينا الفترة
الأخيرة من المقصات، قررنا نسيبه يجرب. بعد حوالى 15 دقيقة حسينا أن قص الشعر
عشوائى، والنتيجة كانت قصة شعر سيئة.

بعد
كده عملنا مانيكير (40 جنيه). دخلنا غرفة فيها حمامات للقدم وكنبة كبيرة. قاومنا
بصعوبة رغبة أننا نغوص فى الكنبة المريحة، وسلمنا لهم إيدينا. وزى أماكن كثيرة مش
متخصصة في العناية بالأظافر ما عندهمش مجرد أماكن مخصصة للمانيكير، الموضوع لازم
يكون شامل العناية باليدين والقدمين مع تشكيلة متنوعة من ألوان الأظافر الروشة
اللى تقدر تختار منها، بعد كده مرينا بمراحل مبرد الأظافر، والتنظيف بالفرشاة، وقصافة
الأظافر، وأخيرًا التلميع، بس برضه اضطرينا ننبه أخصائية الأظافر أنها تحط  طبقة حماية.

الصالون
كمان بـ يوفر الإزالة بالشمع waxing والسكر والليمون sugaring (60 جنيه للذراع و 80
للقدم). العناية بالوجه بالطريقة المغربية ممكن بحجز مسبق (500 جنيه).

طرق ثانية للعناية بالشعر زى الماسك (150 جنيه)، وعلاج الكيراستس بالكافيار
Kérastase Caviar
Treatment
(400 جنيه). قصات الشعر من 100 إلى 120 جنيه، وعلاج الشعر بالكيراتين بـ يبدأ من
800 جنيه للكريستال و1800 للعلاج المنتظم.