The Definitive Guide to Living in the Capital , Cairo , Egypt

مركز تجميل أحمد طه

مركز تجميل أحمد طه: تجميل مناسب للميزانية فى هليوبوليس

  • 14 عمارات مصر للتعمير
  • 0222683034
  • 10 صباحًا - 11 مساءً
تم التقييم بواسطة
Nermin Habib
قيم
قيم الآن
مركز تجميل أحمد طه: تجميل مناسب للميزانية فى هليوبوليس

سواء كانت كبيرة أو صغيرة، فخمة أو عادية، صالونات التجميل في القاهرة عددها فى الليمون. فى قلب مساكن شيراتون، صالون “أحمد طه” بنى سمعته بناءً على جودة الخدمة والمصداقية. مع افتتاحه لفرع ثانى فى هليوبوليس، قررنا نزور الفرع الرئيسى، الموجود أسفل عمارة سكنية يسكن فيها صاحب الصالون.

رغم أن شكل الصالون مش بـ يوحى بالفخامة، فريقهم من مصففى الشعر وخبراء التجميل إما تدربوا فى أماكن معتمدة، أو عندهم خبرة كبيرة. المحل له مدخلين، المدخل الرئيسى بـ يؤدى لمنطقة تصفيف الشعر وفريق أحمد طه من مصففى الشعر، والمدخل الصغير الخاص، مخصص حديثًا للمحجبات اللى بـ يشعروا بعدم الراحة من الدخول فى المنطقة الرئيسية علشان يوصلوا للغرفة الخلفية.

الصالون تم تجديده حديثًا، بحوائط مصقولة من الجير الأبيض وأرض من السيراميك اللامع مع معدات جديدة، تشمل مرايات كاملة وكراسى جلد. المكان بـ يقدم كل الخدمات المتوقعة من صالون تجميل، أحمد طه بـ يعمل قص شعر (70 جنيه)، تصفيف (40 جنيه)، صبغة (200 جنيه)، إزالة شعر بالشمع، فتلة (+15 جنيه)، ومجموعة من ماسكات تجميل للشعر والوجه، لكن علشان نريح ضميرنا، مش بـ ننصحك تعملى وجهك هنا.

رغم أننا حصلنا على قصات شعر مقبولة فى زياراتنا السابقة، مصفف الشعر الموثوق فيه بالنسبة لنا كان فى الفرع الثانى، ومش موجود وقت زيارتنا. عملنا بدلاً منه جلسة بمجفف الشعر، تمويج وفتلة للحواجب. على طول وجهونا لحوض الغسل لغسيل شعرنا بالشامبو وتهيئته، وفك الجدائل بمشط عريض.

صحيح أغلب مصفيين الشعر فى الدور الأول كانوا رجال، اكشتفنا إنهم بـ يدردشدوا أكثر من معظم أخصائيين التجميل السيدات اللى عدوا علينا؛ المناقشة استمرت حتى وسط دوشة المجفف.

بعيدًا عن المحادثات الجانبية المبالغ فيها، عملية تهذيب الشعر كانت جيدة وفريدة من نوعها باستخدام مصفف الشعر لطرق نادرًا ما بـ نشوفها فى زيادة كثافة الشعر والتمويج، وده كان سبب أن التجربة كانت ممتعة أكثر. بعمل التجديل عن طريق مصل لمعان الشعر من الماركة الشهيرة، تشاى Chi، انتهيت عملية تصفيف الشعر بسرعة.

بعد كده، طلعنا على الغرفة الخلفية وفيها بـ يتم إزالة الشعر بالشمع، والفتلة وقص الشعر الشخصى. الجو العام كان حيوى جدًا نظرًا لأن معظم رواد الصالون ساكنين فى محيطه، وده معناه أن المحل كان مركز تجمع لحلقات النميمة. بشكل ماهر وذكى، خبيرة التجميل الخاصة بنا استخدمت الفتلة لإزالة شعر الحواجب بشكل مريح. بجانب الفتلة، كانت بـ تقطف الشعر عند اللزوم وقلمت الشعر الأطول علشان تساوى الطول.

يمكن أحمد طه مش أفخم صالون تجميل ممكن نشوفه فى العاصمة، لكن أسعاره المعقولة بـ تشجع على الولاء للمكان وتجعل من الصالون جنة تجميل اجتماعية.

نصيحة 360

فريق عمل أحمد طه بـ يتناوبوا على الفرع ده وفرع صقر قريش، فـ كلميهم قبل ما تروحى علشان تعرفى مكان مصففك المفضل.

أحسن حاجة

مع قدرات مصففى الشعر وخدمات التجميل، هـ تحصل على قيمه فلوسك.

أسوأ حاجة

هـ تضايق من محاولة الموظفين إقناعك بتجربة ستايلات جديدة أو تشترى منتجات "ضرورية".

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح