The Definitive Guide to Living in the Capital , Cairo , Egypt

نادي جاسمين – Yasmine Club

نادي جاسمين: جيم وساونا وسبا فى المعادى

تم التقييم بواسطة
Mona Abu Amer
قيم
قيم الآن
نادي جاسمين: جيم وساونا وسبا فى المعادى

كل واحد فينا له طريقته فى الهروب من زحمة الحياة ومشاكلها، بما فيها بقى من سياسة  وشغل وأولاد.. إلخ.

أيًا كانت زحمتك روح غير مودك فى ” نادي جاسمين – Yasmine Club”، ده مش نادى ولا فندق ولا حتى مطعم فخم، لكن فريق كايرو 360 بـ يؤكد لكم من خلال تجربته أن ده أكثر مكان ممكن تريح فيه أعصابك، لأن ببساطة مؤخرًا تم عمل دراسات لتوضيح مدى تأثير المساج على الحالة النفسية للمريض وخاصة الحالات المصابة بالاكتئاب وثبت أن لها تأثير واضح وقوى على الحالة النفسية للمريض قبل  الجسدية.

ما علينا مش موضوعنا.. هـ نبدأ بالأقسام الموجودة فى ياسمينا، هم 3 أقسام:  جيم، وسبا، وساونا، هـ نبدأ بقسم الجيم، العضوية للشهر الواحد بـ 600 جنيه، للـ 3 شهور بـ 1575 جنيه،  للـ 4 شهور بـ 1950 جنيه، للـ 6 شهور بـ 2700 جنيه، العضوية بـ تكون شاملة متابعة مع دكتور دايت مع توفير واستخدام جميع الأجهزة المتاحة فى الجيم بالإضافة للساونا والجاكوزى، ده طبعًا بعد اطلاعنا على المكان أنه بـ يستخدم أجهزة حديثة وكلها مستوردة تقريبًا بالإضافة لكفاءة فريق العمل ومعاملتهم اللائقة مع العملاء.

ده بالنسبة للعضوية بالشهر أو أكثر، لكن لو حابة أو حابب تروح يوم واحد فقط متاح استخدام الجاكوزي وجميع أنواع أجهزة الجيم الموجودة السعر لليوم الواحد بـ 150 جنيه.

ثانى قسم الساونا بالنسبة لأسعاره: استخدام الأشعة تحت حمراء للنصف ساعة 50 جنيه، ساونا العادية بخار وجاف السعر للنصف ساعة بنفس السعر (50 جنيه)، ونفس السعر للجاكوزى النصف ساعة.

نحكى لكم بقى عن المساج، وبما أن ده الجزء اللى تم من خلاله تعيين كفاءة المكان ومعرفته، المساج كامل للجسم باستخدام زيوت مستوردة بـ 200 جنيه للساعة الواحدة، مساج للرقبة والكتفين بـ 120 جنيه للنصف ساعة، استخدام طمى البحر الميت للجسم  كامل بـ 280 جنيه، حمام مغربى أو تركى بـ 270 جنيه، استخدام دورة الشمع بـ 75 جنيه للمرة الواحدة، العلاج بالأبر والمساج بـ 250 جنيه.

بالإضافة أن فيه جزء طبى فى نادي جاسمين وهو العيادة، بـ يتوفر فيها دكتور علاج طبيعى للسمنة  ومشاكل العظام وعلاجها بالأعشاب، وأمراض جلدية، وتجميل، الكشف بـ 80 جنيه للمرة الواحدة والمتابعة شهريًا اشتراك بـ 80 جنيه.

ده بالإضافة إلى مجهوداتهم الشخصية وتوفير أعشاب خاصة بهم لعلاج السمنة ولكن بشرط الالتزام بالدايت أثناء استعمال الأعشاب وهى عبارة عن برطمان حبوب مستوردة يستخدم كمشروب قهوة على الريق سعره بـ 90 جنيه وكافى لشهر تقريبًا.

نصيحة 360

شوفى صفحتهم على الفيسبوك فيها معلومات حلوة.

أحسن حاجة

حسن المعاملة، الضمير فى شغلهم.

أسوأ حاجة

لحد دلوقت ما اكتشفناش حاجة تقريبًا.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح