The Definitive Guide to Living in the Capital , Cairo , Egypt

صحة ولياقة
ذا نييل ستوديو – The Nail Studio

نايل ستوديو: خدمات تجميل بسيطة ومعقولة فى الزمالك

  • 35ب شارع محمد مظهر
  • 10 صباحاً - 9 مساءً -
تم التقييم بواسطة
Alicia Yassin
قيم
قيم الآن
نايل ستوديو: خدمات تجميل بسيطة ومعقولة فى الزمالك

بعد ما لاقينا «نايل ستوديو – Nail Studio» فى الزمالك متأخر قوي عن
منافسينه سنة 2010، راجعين النهاردة بتفاؤل أن يكون
حصل اختلاف.

بعد ما تطلع مجموعة سلالم،  المكان بـ يميزه يافطة لونها وردى وأسود، ولازم تخبط
على الباب علشان تقدر تدخل. المكان نفسه صغير شوية، ويشبه قوى أى شقة عادية. مافيش
حاجة مميزة فى ديكورات المكان، فى الحقيقة هى رديئة شوية وزحمة على الفاضى. لما
دخلنا جوه أكثر، ناحية الكراسى العريضة اللى بذراعين وأمام كل كرسى حوض قعدنا علشان
جلسة سريعة للمانيكير (60 جنيه) والباديكير (نفس السعر).

رغم أن الكراسى كانت مريحة، بس كانوا محتاجين قوى أنهم
يتنجّدوا، علشان القماش بتاعهم متآكل والموضة بتاعتهم قديمة. افترضنا أن فيه واحدة
بس مسئولة عننا، بس تفاجئنا أول ما عرفنا أنهم اثنين مش
واحدة. حوض القدم –عبارة عن حوض مُثبت فى الأرض– كان مليان مياه وحطينا رجلنا فيه.
سدادة الحوض اللى بـ تمنع المياه تتصرّف عملت مشكلة، لأنها خلت المياه قليلة ورجلنا
بالكاد غطسانة. لكن رغم كده قدرنا نتعامل.

فى وقت ما رجلينا كانت فى المياه، اختارنا لون طلاء
الأظافر. هم مش محكومين بنوع معين، ودى حاجة لطيفة علشان يبقى فيه تشكيلة متنوعة.
وبكده بعد ما اختارنا اللون، انضمت مُقلّمة
الأظافر للمسئولة عن تجميل القدم اللى شغالة معانا. وجابت طبق صغير فيه رخام فى
قاعدته علشان يعطى شكل جمالى، بس المياه كانت فاترة ومش حلوة قوى.

علشان إحنا جربنا المانيكير والباديكير فى أماكن كثير فى
القاهرة، المره دى ما تعتبرش استثناء، وكانت قريبة من الطبيعى. الأدوات اللى بـ
يستخدموها مش معقّمة، والمفروض دى حاجة أساسية فى أى مكان، وفى الوقت اللى كانوا بـ
يخلصوا “الشغل”، الموضوع ما كانش مريح أو حتى خالى من الألم. بالنسبة
للمانيكير، سألونا عاوزين الجلد يتشال من حول الظفر كله ولّا من على الجوانب بس
ورغم أننا اختارنا نشيل من الجوانب، بس هى برضه شالت من حول الظفر كله.

قررنا نجرب تنظيف القدم بالكحت (55 جنيه
(وده
كان من الحاجات اللى بـ ينصحوا بها. وبرضه، وقت ما الموضوع كان بـ يتعمل بكفاءة مافيش
حاجة اتعملت كانت صعبة أننا نعملها بنفسنا. وكمان، علشان كانت بـ تنظف الصباع
الكبير بحماس شديد حسينا بلسعة شوية. جودة وضع
ملمع
الأظافر مش كويسة، ومش متجانسة ومافيهاش اللمعان المعتاد، فى أوقات كثير عملنا بنفسنا
شغل أحسن من ده.

عندهم
كمان أنواع ثانية من العلاج بجانب المانيكير والباديكير المعتاد زى علاج الزوائد
الجلدية (80 جنيه)، حمام ملحى للقدم (30 جنيه) وحمام ليجانو
الملحى للأيدى Legano Spa Salt (30جنيه).
كمان فيه أنواع مساج وطمى مغربى للوجه بـ 60 جنيه و40 جنيه على الترتيب.

ما
نقدرش نقول أننا هـ نمسح نايل ستوديو من على الخريطة، بس المفروض يُقال أن الخدمة
اللى بـ تُقدم بسيطة قوى.

نصيحة 360

أول مرة تجرب فيها علاج القدم بالكحت، هـ تستفيد بتخفيض والسعر هـ يبقى 30 جنيه.

أحسن حاجة

إحساس البساطة والسهولة الموجود فى المكان.

أسوأ حاجة

الأدوات مش معقمة.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح