The Definitive Guide to Living in the Capital , Cairo , Egypt

صحة ولياقة
نون سنتر

نَن سنتر: حصص يوجا مكثفة في الزمالك

تم التقييم بواسطة
Anne de Groot
قيم
قيم الآن
نَن سنتر: حصص يوجا مكثفة في الزمالك

بقالنا فترة
معجبين بمركز «نَن – Nūn» في الزمالك. مكان هادئ جدًا وسط زحمة الزمالك، مش بـ نعرف نمسك
نفسنا وبـ نزوره من فترة للثانية علشان نبعد عن حياة الزحمة اللي عايشينها. آخر
مرة زرناه جربنا علاج تشي ني تي سانج أو Chi
Nei T sang والمرة
دي جربنا حصة يوجا لـ “تشيرايو”.

لكل الناس
اللي لسه ما جاءتش لها الفرصة أنها تجرب المكان وتقع في غرامه هـ تلاقوا فيه فيلا
في المنطقة المقفولة في شارع شفيق منصور بجانب شارع حسن صبري، عند السفارة
الهولندية هـ تدخل شمال قبل مول التسوق. قبل ما تدخل الشارع هـ تلاحظ ضوء اللوجو
الأخضر والأحمر لبوابة «نَن». ادخل الجنينة واطلع السلم للدور الأول، فيه هناك حصص
يوجا شغالة طول اليوم. بـ تبدأ الصبح وآخر واحدة بـ تبقى بالليل حوالي الساعة 7:30
م. وقت زيارتنا للمركز كانت حصة اليوجا زحمة جدًا لكن الموضوع ده ما زعلناش علشان
إحنا لسه مبتدئين يوجا فممكن نقف وراء الناس الثانية علشان ما نظهرش.

“تشيرايو” مدربة يوجا متخصصة جدًا وبـ تشرح كل حركة إحنا
بـ نعملها قبل ما تصحح لأي حد حركاته. رغم أن كان المكان زحمة لكن كانت المدربة
مركزة مع كل واحد فينا. الحصة بدأت بتمرينات بسيطة للتسخين قبل ما نبدأ الشغل
الجامد. الحصة كانت متنوعة جدًا وما حسيناش بالملل لحظة، عملنا حركات كثيرة جدًا
مختلفة و”تشيرايو” قالت لنا نصائح علشان لو فكرنا نتمرن في البيت، الحصة
كانت مكثفة جدًا لكن مفيدة جدًا، هـ تحس بالفرق في ساعتها وهـ تحس أنك مرن ونشيط
أكثر.

كمدربة “تشيرايو”
منتبهة جدًا وجاءت على طول أول لما أغمى علينا وحسينا بغثيان ودماغنا وجعتنا،
قالوا لنا أن ده طبيعي جدًا يحصل في أول تجربة لنا في اليوجا وشربنا شاي وبقينا
كويسين. في نهاية الحصة بـ يبقى فيه جلسة استرخاء وبـ نلف أنفسنا ببطانية علشان ما
نبردش.

للأسف “تشيرايو”
هـ تسيب «مركز نَن» لكن إحنا واثقين أن المدربة البديلة هـ تكون في نفس مستوى تشيرايو.
حصة من 60 إلى 90 دقيقة بـ 100 جنيه وده يعتبر غالي مقارنة بحصص في أماكن ثانية، لكن
الناس اللي مهتمة باليوجا هـ تحس بالمستوى العالي اللي بـ يقدموه.

نصيحة 360

المكان بـ يقدم حصص جديدة ومختلفة زي "أوبن فلو فينسيا يوجا"، "كونداليني يوجا" و"يوجا للأطفال". لو عاوزين تعرفوا معلومات زيادة هـ تلاقيها على موقعهم.

أحسن حاجة

كثافة الحصة.

أسوأ حاجة

مركز نَن موجود في فيلا قديمة وطبعًا أرضية الفيلا بنفس القِدم وده بـ يطلع صوت مزعج.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح