The Definitive Guide to Living in the Capital , Cairo , Egypt

بيت السحيمي

بيت السحيمى: كنز تاريخى على شارع المعز

  • آخر شارع معز الدين
  • متاحف
  • 0225913391
تم التقييم بواسطة
Melissa Howell
قيم
قيم الآن
بيت السحيمى: كنز تاريخى على شارع المعز

فسحة
لـ شارع المعز لدين الله فى القاهرة هـ توديك عند منطقة زحمة قريبة من خان الخليلى.
من الممر الضيق بتاع محلات الصاغة و أصحاب المحلات الشطار، الشارع المعروف ده   بـ ينفتح و يبقى شارع أثري بأرض حجرية. المنطقة دى
اللى فـ آخر شارع المعز لفتت النظر وشهدت شوية انتعاش في الكام سنة اللى فاتوا،
جزء كبير من ده سببه التجديدات اللي تمت لبيت السحيمى، واحد من كنوز القاهرة
التاريخية.

بيت
السحيمى هو عبارة عن بيتين مفتوحين على بعض اتبنوا فى القرن الـ 17 والـ 18. بفضل
موقع القاهرة الممتاز على الطريق التجارى القديم، كتير من سكان البلد كانوا عايشين
فى بيوت راقية بتصميمات جميلة، و بيت السحيمى يعتبر مثال لأحسن البيوت اللى باقية من
بيوت التجار دول.

البيت
كان فيه تلفيات كتير، حيطانه إتشققت ومشربياته إتفككت، لسنين طويلة فضل بيت السحيمى
فى حالته المتدهورة، مش بـ يستخدم و مش متقدر. لكن فى سنة 1990، إتعمل مشروع دقيق
علشان يرجعوا الموقع التاريخى لحالته الأصلية وثبت إنه مش بس مفيد للبيت، لكن للحى
كله كمان.

و
من وقت التجديدات الكبيرة اللى حصلت فـي البيت، المبنى دلوقتى مفتوح للعامة كمتحف
و   لعروض متنوعة. فى رمضان البيت بـ يستخدم
لعروض وحفلات ومسرحيات بـ تنظمها وزارة الثقافة. بيت السحيمى برضه على مدار السنة
ممكن يقدم رقصات التنورة و روايات وسير شعبية وينفع لجولة هادية بالليل.

التذاكر
بـ 3 جنيه للمصريين و 30 جنيه للأجانب، للتجول فى البيت أى يوم من 9 ص لـ   5م. أبواب الدخول خشبية ضخمة وجوه مدخل ضلمة،
فيه هناك ركن رئيسى كان ممكن يبقى غرقان بالنور لو ماكنش فيه نخل مغيم على بقعة
الزرع اللى تحته.

أول
أوضة فـ البيت هى مدخل فخم بأسقف عالية مبهرة ونجفة طويلة. بالرغم من الحيطان
الحجرية البسيطة، الأوضة فخمة وفيها مشربيات خشبية دقيقة بتدخل ضوء خفيف لكن بـ تدى
خصوصية جامدة. المشربيات المزخرفة ظاهرة موجودة في البيت كله، و بـ تضيف تناغم مع
الهيكل الحجرى.

الدور
الأول فى المبنى فيه مجموعة غرف فخمة، أى زائر بـ يخاف من الضلمة أوالأماكن
المقفولة ممكن مايحبش يستكشف البيت أكتر من كده. الدور التانى عامل شوية زى
المتاهة، طرق ضلمة وضيقة غالباً بـ تودى على أوض ضلمة أكتر، وأسقفها واطية. شوية
من الغرف فاضيين خالص مافيهمش حاجة غير طبقة تراب لازقة على الحيطان، وشوية غرف
تانية فيها سجاد وشوية ترابيزات وتحف. أوضة واحدة في الدور التانى مفيهاش مشربية
بس فيها بلكونة جميلة بـ تطل على الركن اللى تحت. الأوضة دى فيها قعدة تنفع علشان
تجمع نفسك و أنت بـ تستكشف البيت الغرف المربكة دي.

بعد
استكشاف متاهة البيت، المحطة الأخيرة لازم تبقى ورا بيت السحيمى، اللى فيها ركن
تانى بـ يعرض صور بتوضح البيت قبل وخلال وبعد التجديدات الكبيرة اللى اتعملت
مؤخراً.

نصيحة 360

ماتنسوش تشوفوا الصور اللى في الركن اللى ورا علشان تشوفوا التحول الكبير اللى حصل فى البيت.

أحسن حاجة

الركن اللى فى البيت ينفع ملجأ هادى من دوشة خان الخليلى الصبح، و مسرح تنورة بالليل.

أسوأ حاجة

شوية أجزاء من البيت ضلمة و مخيفة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح