The Definitive Guide to Living in the Capital , Cairo , Egypt

معرض “الرحلة” لمروة عادل في جاليري سفر خان

جاليرى سفر خان: معرض “الرحلة” لمروة عادل

تم التقييم بواسطة
Jessica Noble
قيم
قيم الآن
جاليرى سفر خان: معرض “الرحلة” لمروة عادل
مروة عادل، المصورة والفنانة ومدرسة تصميم الجرافيكس هى فنانة مصرية حاصلة على عدة جوائز، قررت مروة أنها تجمع مجموعة صغيرة من أعمالها فى مشروع واحد تحت اسم “الرحلة”. وعلشان إحنا فى كايرو 360 قرأنا عن أعمالها الفنية المركبة، قررنا نروح جاليرى سفر خان المريح البسيط الموجود فى الزمالك فى ليلة افتتاح معرضها.
المعرض مكون من صور ظلّية كبيرة لسيدة بالأسود والأبيض على خلفيات متعددة، بـ تعرض فيها الرحلة الحتمية اللى بـ يتوقعها المجتمع من أغلب السيدات العرب من يوم ما يتولدوا. بـ تستخدم القطع دى مجموعة من الوسائط بـ تقدر عن طريقها توضح الرحلة من الميلاد للزواج، وبعدهم الحياة الزوجية، والحمل وترجع من ثانى لمرحلة الولادة.
خلفية كل قطعة منهم عبارة عن صورة مأخوذة من خرائط جوجل. بـ تفسر مروة الفكرة دى بأن التكنولوجيا أصبحت أكثر تطورًا، وأى واحد يقدر يدخل على الإنترنت ويلاقى ناس ثانية من كل دول العالم. بس الوحيدة اللى بـ تفضل مكانها وما بـ تتغيرش هى السيدة العربية، دائمًا مختفية فى البيت.

العنصر الثانى فى الخلفية عبارة عن الأيقونة إللى بـ تعبر عن الزواج، وهى فى حالتنا هنا عبارة عن جزء من فستان الفرح الخاص بمروة. ذيل الفستان بـ يعبر عن ضعف السيدة وكمان بـ يركز على تجربة مروة الشخصية مع الدور اللى بـ يتوقعه المجتمع من السيدات ككل.
معظم الرسومات الباهتة المرسومة فى اللوحات إما عبارة عن وجوه مغطاة أو رؤوس مائلة. الفكره دى بـ تبين أن اهتمام الجمهور مش مركز على هوية السيدة، إنما فى الحقيقة هى ما عندهاش أى هوية أو معنى مستخبى وراء الدور اللى هى المفروض تقوم به.
غالبًا أقوى صورة موجودة هى اللى بـ توصف إيه إللى بـ يحصل بعد الزواج، أسراب من الجراد بـ تطير داخل حلم، سيدة حامل لابسة فستان فرح، وطفل مولود فى قفص، وده بـ يعبر مجازًا عن عملية ولادة البنت، بـ تتولد فى سجن ومقيدة بقضبان من القمع.
مجموعة مكونة من ثلاث صور أحادية الطابع عن فتاة بـ تكشف ببطء عن وجهها، مع وضعية جسم مختلفة في كل صورة، بـ تبعث رسائل قصيرة مختلفة. الصور معمولة على خلفية فيها حائط من الطوب الأحمر، جزء من حائط مسجد قديم في دبي، وبـ ترمز للعوائق المحيطة بالسيدات المسلمات الموجودين فى الدول العربية. مع انكشاف وجه الموديل اللي في الصورة ببطء بـ توصل لنا رسالة أن على مدار السنين لما السيدات بـ يبقوا أقوياء ويكسروا الحواجز اللى بـ تواجههم، أمالهم وأحلامهم ورغبتهم فى الوجود ممكن فى النهاية يعترف بها، وتحترم وتشجع كمان.

الشابة الموهوبة تستحق قدر كبير من التقدير، خاصة أنها قدرت ترفض القيود المفروضة عليها وتمنعها من التعبير عن رأيها وقدرت أن يبقى عندها سيرتها المهنية الخاصة بها، بغض النظر عن أن الموضوع ده ممكن يضايق ناس كثير.

كل من الأعمال الفنية الرائعة ونظرية الدفاع عن الرأي فيهم إمتاع، وقوة، وديناميكية، والتجربة دي تضاف للمعركة النسائية طويلة الأمد اللى بـ تحاول تحقيق التكافؤ فى المجتمع.

نصيحة 360

المعرض مستمر حتى يوم 29 ديسمبر.

أحسن حاجة

استخدام خلفيات من الصور الظلية فى سرد الحكاية.

أسوأ حاجة

مافيش أسوأ حاجة. ممكن نقول قرب المكان من نولا كب كيكس.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح