The Definitive Guide to Living in the Capital , Cairo , Egypt

كافيهات
أنطى لولو

أنطي لولو: حلويات بيتي في المعادي

تم التقييم بواسطة
Nour Motawa
قيم
قيم الآن
أنطي لولو: حلويات بيتي في المعادي

لو
عايز تقف تجيب حلويات خفيفة وسريعة وأنت بـ تتسوق في كايرو، يبقى «أنطي لولو» هـ ينفعك
جدًا، محل وافلز وكريپ بـ يقدم وجبات خفيفة وحلويات بنفس طريقة جدودنا، المحل
الصغير الموجود جنب مكتبة ديوان في شارع 9 بالمعادي، مش هـ يخلّي نِفسك في حاجة.

الديكور
في المحل كله مرح بألوان الحلويات، فيه شوية ترابيزات قليلة وقعدة صغير بره،
المكان مناسب جدًا لو عايز حاجة تأخذ فيها حلويات على الماشي في الشمس، أو حاجة
تيك أواي، المنيو قليل بس فيه المفيد، الاختيارات فيها وافلز بتنوعات في الإضافات،
شوية أنواع من الكريپ، القهوات الساخنة، والمشروبات الباردة، وبعض أنواع الكيك،
وثلاجة مليانة آيس كريم “ريجوليتو”.

كل
وافل، كريپ، أو ميلك شيك في «أنطي لولو» معمول بعناية كأنه معمول في البيت. ورغم
أن ده معناه أننا هـ نستنى حبة أكثر بس النتيجة تستاهل. الوافل هو علامة المحل
المميزة، فـ قررنا نجرب واحد عليه كمية حلوة من صوص الكراميل الذهبي (20 جنيه). كان
فيه إضافات ثانية شكلها حلو زي النوتيلا، الشوكولاتة، الفواكة، وصوص الماپل،
الكريز، وشربات السكر والمارشملو (أي نوع وافل بـ 20 جنيه، أو أي نكهة أيس كريم
(25 جنيه).

أنواع
الكريپ فيها حشو الشوكولاتة أو الكراميل (13 جنيه)، النوتيلا (15 جنيه)، السكر (10
جنيه) أو الآيس كريم والمكسرات (15 جنيه)، بالنسبة لنا قررنا نأخذ أيس كريم
الشوكولاتة والمكسرات.

وعلشان
نكسر كمية السكر دي، طلبنا كمان كابوتشينو وميلك شيك كلاسيك فانيليا (الواحد بـ 12
جنيه). كان فيه مشروبات ثانية شكلها مُغري زي ميلك شيك النوتيلا والمالتيزرز (أي
واحد 15 جنيه)، والقهوة الكلاسيكية الأمريكية (10 جنيه)، والموكا الساخنة (15
جنيه).

الوافلز
بتاعتنا نزلت لونها بني مظبوط، ومتغرقة بصوص كراميل لذيذ جدًا، ومن كثر حلاوتها
مسحنا الطبق. الكريپ كمان كان لذيذ قوي، رغم أنه لو كان قعد شوية زيادة في الشواية
كان هـ يبقى قوامه أحلى ومقرمش أكثر. كان كله أيس كريم شوكولاتة، وعليه شوية
مكسرات مفرومة جامد.

الكابوتشينو
كان شوية أثقل من العادي، لكن إبداع «أنطي لولو» في عمل الحلويات استمر في ميلك
شيك الفانيليا المظبوط جدًا، قوامه متماسك وأشبع رغبتنا في نكهة بـ نحبها جدًا
ومفضلة عندنا.

جنة
حلويات في شارع 9، «أنطي لولو» لازم يجربه كل محبين الوافلز والكريپ. وبما أن
الصيف دخل المحل ده أكيد هـ يبقى ملجأ لمحبي الأيس كريم ومدمنين الميلك شيك.

نصيحة 360

لو عايزين أيس كريم لذيذ وسعره معقول، جربوا نكهات أيس كريم "ريجوليتو" عند «أنطي لولو».

أحسن حاجة

حلويات بسيطة ومُشبعة في موقع مُريح في المعادي.

أسوأ حاجة

أول ما الكلام ينتشر وسط محبين الحلويات في المعادي، المحل الضيق ده هـ يتزحم جدًا.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح