The Definitive Guide to Living in the Capital , Cairo , Egypt

كافيهات

إدمانك للحلويات يبدأ مع خمسة أماكن فى 2014

إدمانك للحلويات يبدأ مع خمسة أماكن فى 2014
بواسطة
Cairo 360

صحيح السنة الجديدة بالنسبة لكثير مننا إشارة لبداية حياة أفضل وأكل صحي أكثر، اختارنا نكتب عن الحلويات اللذيذة اللى كلنا بـ نحبها ونشتاق لها. لكن مع مكانة أماكن زى نولا كب كيكس المضمونة، سهل ننسى أن عشق المصريين الفطرى للحلويات والسكريات معناه وجود أماكن كثيرة فى كل نواحى القاهرة، كل هدفها إشباع رغبات القاهريين المسكرة مهما كانت.

 

ميسز فيلدز – Mrs Fields

مستخبى داخل قسم من أقسام كلوب 33 على النيل، ميسز فيلدز وفريقها فى الزمالك بـ يتعهدوا بتوفير كوكيز طازجة لذيذة تنافس حتى وصفة جدتك السرية. كون الستيكى فادج شوكليت كوكيز هى المفضلة عند فريق كايرو360، ميسز فيلدز بـ يقدم بديل مميز لفيضان الكوكيز فى كل مكان.

 

بول –  Paul

مطعم ومخبز بول أكيد اسم عالمى غنى عن التعريف، بـ يقدم خبز فرنسى طازج ومعجنات لذيذة وسط جو مريح وساحر. من بين اختيارات تشمل وجبات كاملة أو مجرد حاجة حلوة وقهوة، بول هو المكان الأمثل للاستمتاع بالحلويات ساعة العصارى. حلويات من الطراز الأول، بجودة ممتازة.

 

ديوكس – Dukes

ديوكس مكان مفضل لكل شعب هليوبوليس، نقدر نوصفه بكل الكلام اللطيف زى أنه جذاب، وظريف، ومريح وكلام ثاني كثير. مع شكل تقديم الحلويات الرائع، ديوكس هو أكثر مكان هـ يحسسك أنك فعلاً عاوز تأكلهم بعينيك. أجمد حاجة من بين ابتكاراتهم الرهيبة هى “الديرت كيك” بشكلهم اللذيذ اللى فى الحقيقة نفس  شكلهم فى الصور.

 

دوسيت جورميه – Dusit Gourmet

تقدر تستمتع بغداء راقى فى دوسيت جورميه، لكن اللى بـ يميز المطعم الساحر فى دوسيت ثانى ليك فيو فى القاهرة هى الحلويات. مع تشكيلة تحفة من الشوكولاتات والكيكات المتوفرة للتيك أواى أو للأكل هناك، لسه المكان ده أجمد واحد يقدر يشبع اشتياقك للحلويات وسط القاهرة الجديدة المتوسعة يوم بعد يوم.

 

تينى تريتس – Tiny Treats

تينى تريتس واحد من أحدث محلات الكب كيكس فى القاهرة، وقدر يشق طريقه فى القائمة بفضل أفكار المخبز الجريئة بالنسبة للكيكات الصغيرة. مع كب كيكس بنكهات اللبان وReese، واضح مجهود تينى تريتس فى البعد عن منافسيه، ورغم أن شكل المكان مش مبهر، الكب كيكس بجد حكاية.

 

تقدر تشوف مقالات أكثر عن الحلويات والكافيهات من هنا.

مقترح