The Definitive Guide to Living in the Capital , Cairo , Egypt

إدوشو كافيه – Eduscho Kaffee

إدوشو كافيه: كافيه لطيف في المعادي جراند مول

تم التقييم بواسطة
Katie Dryden
قيم
قيم الآن
إدوشو كافيه: كافيه لطيف في المعادي جراند مول

القاهرة بقيت مليئة بالكافيهات اللي ممكن تشرب فيها قهوة “على الواقف” زي ما بـ يقولوا. بموقعه في مول شهير زي المعادي جراند مول، “إدوشو كافيه – Eduscho Kaffee” هو أنسب مكان تأخذ فيه قهوة طياري كنوع من الاستراحة السريعة أثناء جولة التسوق.  

مبدئيًا، الديكورات عادية جدًا، بالرغم من أنه مليء بالتفاصيل؛ من أول الترابيزات اللي سطحها مزين بتأثير الرخام، والكراسي الخشبية اللي عليها شلت خضراء… ده غير مجموعة المراوح اللي بـ تحاول تلطف الجو. بس الفكرة أن إدوشو مكان مفتوح في مول، وبالتالي مش هـ تسلم من إحساس أنك قاعد في العراء، يعني لو بـ تهرب من زحمة المول لمكان أهدأ، فالكافيه ده مش لك.  

بالرغم من كده، المنيو منوّع والاختيارات فيه متعددة. بعد لحظات من التفكير اختارنا كابتشينو وسط (15 جنيه)، كاكاو ساخن (15 جنيه)، لاتيه مثلج (16 جنيه) وعصير ليمون (12 جنيه). زي أي كافيه ثاني ممكن تضيف نكهة على مشروبك بإضافة (5 جنيه) من ضمن النكهات دي: التوفي، الكراميل والفانيليا.

الكابتشينو كان لطيف وحجمه مناسب جدًا، ولكن للأسف الكاكاو واللاتيه المثلج كانت نسبة اللبن فيهم قليلة جدًا وبالتالي حسينا أننا بـ نشرب مياه مُنكهة. الحمد لله الليمون كان فريش، ومنعش وسكره مضبوط، ده غير أن حجمه كان مناسب.

بالرغم من أن الأماكن بـ تركز على المشروبات أكثر من أي حاجة ثانية، إدوشو بـ يقدم مجموعة محدودة من الساندويتشات، السلاطات والحلويات بأسعار مناسبة. جربنا الوافلز بالنوتيلا، واللي كانت رائعة وغنية بصوص الشوكولاتة والبندق.

بالرغم من أن المكان يعتبر عادي، إلا أنه بـ يعرض مجموعة من أدوات القهوة والشاي، ودي حاجة مش كل الكافيهات بـ تعملها. لما كنا هناك، كان فيه تخفيض على بعض المعروضات منها منقي مياه كان سعره (100 جنيه) وأصبح (85 جنيه)، وماكينة القهوة والإسبريسو كان سعرها بعد التخفيض (1450 جنيه).

نصيحة 360

من الأماكن النادرة اللي مش بـ تضيف ضريبة خدمة على الفاتورة، فلو نفسك في قهوة سريعة ما تفكرش مرتين.

أحسن حاجة

المحل بـ يقدم مجموعة من أدوات القهوة والشاي للبيع، حاجة مش موجودة في أي كافيه.

أسوأ حاجة

الكاكاو الساخن واللاتيه المثلج طعمهم كان سيء.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح