The Definitive Guide to Living in the Capital , Cairo , Egypt

ذا باتر هاف & كو – The Batter Half & Co

باتر هاف & كو: محل حلويات جديد فى الزمالك

  • 17 شارع محمد مظهر
  • مخبوزات وحلويات
  • 0227370036
تم التقييم بواسطة
Alicia Yassin
قيم
قيم الآن
باتر هاف & كو: محل حلويات جديد فى الزمالك
الشكل الخارجى لـ »باتر هاف & كو – & Co. «Batter Half كفيل أنه يخليك ترفع حواجبك من الفضول علشان تعرف إيه الجديد اللى بـ يقدمه المحل الجديد فى الزمالك. الاسم نفسه ذكى جدًا والواجهة البنى الملساء الموجودة فى وسط الجزء المميز من شارع محمد مظهر جنب محل «فوالا – Voila» كلها أسباب كفاية تشدنا ندخل المكان.

فى الأول، لمحة سريعة وإحنا بـ نعدى أمام المخبز شوفنا زجاج عرض فيه كيكات صغيرة جميلة تشبه طراز العصر الـﭭـيكتورى أو كيكات الأفراح لسبب ما. لما دققنا أكثر، أدركنا أن الكيكات دى مش حقيقية. ما تسألش ليه.
المكان من الداخل بـ يفكرنا بفندق، أحجار بيج وكسوة بنى، ومنظر عام لامع. كاونتر أمام الحائط بـ يطلب منك تقعد وتستمتع بكيكتك والرسومات على الحائط بـ تؤكد على الترحيب ده، اللى رغم أن شكلهم كلاسيكى، بس تحس فيهم روح شبابية مليانة حيوية. رغم كده التناقض الموجود بـ يعطى إحساس أن المكان ناقصه حاجة.
الحلويات معروضة فى الفريزرات، وفيه شوية ثانيين معروضين على ترابيزات حولهم وبينهم. أغلب الكيكات سعرها 180 جنيه، ماعدا البروفيترول سعره أغلى شوية (200 جنيه) وكيكة التمر أرخص شوية بـ 140 جنيه. قطعة الشوكليت كيك الواحدة بـ 15 جنيه.
كمان فيه اختيارات ثانية زى “كيك بوبس” –عبارة عن كيكة على عصاية– بطعم الفانيليا، والشوكولاتة وred velvet. الكيك بارز Cake bars بـ تُقدم بكل النكهات زى الزبادى، والتفاح والليمون (40 جنيه)؛ بعد كده ندخل على أحدث الاختراعات اللى بـ يسموها بايتس Bites. آخر مجموعة بـ تشمل تشكيلة من الحلويات منها Rice Krispies treats (8 جنيه)، وقطع مالتيزرز (12 جنيه) وشوكولاتة مغطاه بكورن فليكس (8 جنيه).
علشان إحنا بقالنا فترة بـ نحاول نكتشف شوكليت كيك جامدة فى القاهرة، فكان طبيعى أننا نجربها من عند «باتر هاف». لونها غامق، وعليها طبقة مسكرة من الشوكولاتة باللبن، كل ده كان شئ مبشر. للأسف الكيكة رغم كده طعمها مسكر زيادة، وفيها نكهة من المواد الصناعية، رغم أنها المفروض كيكة بيتى. جربنا كمان براونى الجبنة (12 جنيه)، وبرضه كانت أقل من توقعاتنا. طعم السكر طاغى على طعم البراونى اللذيذ المحبوب، وبرضه كان ثقيل شوية.
على الناحية الثانية البلو بيرى ماكارون blueberry macaroon (ٍسعر القطعة 5 جنيه، وممكن تشتري 15 بسعر 12 قطعة) كانت لذيذة قوى. السطح مقرمش، والحشو طرى وسكره مضبوط. البطاطا المسكرة باللوز برضه اختيار لطيف (15 جنيه) عبارة عن بطاطا طرية بـ يكملها قرمشة اللوز؛ الطعم المسكر رغم أنه كثير كان كويس.
بوجه عام “باتر هاف” كان محبط شوية. الاسم هائل، والتغليف مختلف وروش –بـ يجسد حالة من الحيوية كان ممكن تستغل أحسن من كده- بس ترابط المكان من الداخل وجودة الكيكات لحد دلوقت بعيد كل البعد عن أنه يبقى الاسم الأشهر فى المدينة.

نصيحة 360

تقدر تطلب كيكة مخصوصة لمناسبة معينة.

أحسن حاجة

التسمية والماركة فى منتهى الذكاء.

أسوأ حاجة

طعم الكيكات مسكر بزيادة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح