The Definitive Guide to Living in the Capital , Cairo , Egypt

باف باي

باف باي: سناكس مبهجة فى الزمالك

تم التقييم بواسطة
Anne de Groot
قيم
قيم الآن
باف باي: سناكس مبهجة فى الزمالك

موجود فى
الزمالك قريب من فرع “موبينيل”، «باف باي – Puff Pie» مش من السهل أنك تلاقيه على طول من أول مرة تروحه، وأنت قاعد فيه
هـ تلاقى أمامك “مغسلة روما”، ديكور المكان لونه أسود بتفاصيل لونها
أصفر فاتح فى كل جزء منها والمكان نفسه صغير وبالتالى مش هـ يكون مكان مناسب لو
خارج تتغدى أو تتعشى، المنيو هنا مختلفة تمامًا بـ تيجي لك على جهاز iPad، لكن ما فهمناش هل ده النظام الطبيعى عندهم هناك ولا
ده مؤقت لحد ما يطبعوا المنيو الورق! طلبنا باف باي بالسبانخ والجبنة (20 جنيه)، وباف
باي بالتشيكن والمشروم (22 جنيه)، بطاطا بالفواكة الطازجة (20 جنيه)، وشربنا ميلك
شيك بالفانيليا (15 جنيه) فى فترة انتظارنا لتجهيز طلبنا، الميلك شيك كان طازج
ولسه متحضر وقت زيارتنا ونكهة الفانيليا كانت غنية فيه فكان منعش ولكن مسكر بزيادة
بالنسبة لنا.

بعد ما انتظرنا شوية جاء لنا الأكل وهنا بدأت التساؤلات واستغربنا للحظة،
لقينا فى طبقنا حاجات مش متأكدين من أنها اللى طلبناها لأنها كانت رول ألوانه
أصفر، وأحمر وموف غامق وفيه حشو، بدأنا باللى لونها أصفر ومحشية سبانخ وجبنة، الحشو
كان استثنائي وطعمه كان لذيذ، والرول الأصفر نفسه كان طِعم لكن ما عرفناش اللون
الأصفر ده من إيه، رول التشيكن مشروم كان على قدر توقعاتنا برضه، قطع الفراخ كانت
طرية والمشروم كان طازج، كان مغطى ببشاميل أبيض وملفوف فى عجين رول ألوانه أحمر فى
أصفر فاتح، أول ما وصلنا لـ “التحلية” استغربنا لأننا طلبنا بطاطا
بالفواكة لكن جاءت لنا من غير بطاطا! كانت عبارة عن فواكة بس فى رول بس كان طعمها
مش وحش، كانت مسكرة بزيادة شوية لكن كمية الفواكة اللى فيها كانت كثيرة قوي، وبصفة
عامة بـ ينزل لنا مع الطلب بتاعنا طبق جانبى كبير من الخضروات.

لو عندك حفلة أو تجمع عائلى أو أصحاب ممكن تخلى “باف باي” تحضر
لك أكل خاص للمناسبة دي Catering، الطعم مناسب جدًا وهـ تضيف لمسة روشة للمناسبة
بتاعتك.

نصيحة 360

"باف باي" عندهم إنترنت Wi-Fi مجانى.           

أحسن حاجة

أكل روش شكله حلو.

أسوأ حاجة

مش هـ يشبعك الأكل هناك.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح