The Definitive Guide to Living in the Capital , Cairo , Egypt

كافيهات
بوتري

بوتري كافيه: قعدة حلوة وجو مختلف فى المعادي

  • 14 شارع 9
  • قهوة
  • 10 صباحاً - منتصف الليل -
تم التقييم بواسطة
Angie El Batrawy
قيم
قيم الآن
بوتري كافيه: قعدة حلوة وجو مختلف فى المعادي

بعد مشي طويل بالعربية فى شارع 9
الطويل جدًا أخيرًا وصلنا، هـ تلاقيه مميز وأنت ماشي على الجانب اليمين، بأنواره
وألوانه المشهور بها.. أيوه بالضبط «بوتري كافيه».

بفروعه الموجودة فى القطامية وهليوبوليس والمعادي والغردقة
والزمالك اللى ما
بـ يخلاش بالليل من الشباب اللى بـ تلاقيهم قاعدين على ترابيزات هـ توصل لنصف
الشارع من الزحمة، ما ننكرش أن المكان بـ يتميز بطابع وروح بـ تخليه مختلف عن أى
مكان ثاني وده اللى خلاه مكمل لفترة مش قليلة.

المكان بـ يغلب عليه اللون البني
بدرجات وفيه شاشات فى كل حائط كانت مشغلة وقت زيارتنا قناة MTV وبعدها عرضت ماتش كرة، فيه مكانين
للجلوس بره وجوه، لكن إحنا دخلنا فى المكان المقفول. وكمان فيه إنترنت Wi-Fi مجانًا للناس اللى حابة تخلص
شغلها هناك.

طلبنا طلبات كثيرة جدًا لأننا كنا
مع أصحابنا، المنيو شاملة وكبيرة فيها أقسام كثيرة زي: الكريب، الشوربة، الخضروات
الخفيفة، المقبلات، ركن البطاطس، السلاطات، البانيني، الساندويتشات، الباستا،
البيتزا، الأطباق الرئيسية، التحلية، المشروبات الساخنة والباردة، السموسيز،
والفرابيه والكوكتيلات.

من قبل ما نطلب إحنا عارفين أن
“بوترى” ما بـ يهزرش، الأكل جامد والخدمة كمان من واقع تجربتنا فى فروع
ثانية، بس برضه لازم نجرب الفرع ده، طلبنا سلاطة تشيكن مشروم (35 جنيه)، وكاساديلاس
تشيكن (30 جنيه)، وكلوب ساندويتش بوتري (30 جنيه)، ومن ركن البطاطس أخذنا بطاطس
مكعبات مقلية مع التركي وجبن الشيدر (22 جنيه)، وكمان باستا ألفريدو (35 جنيه). بشكل
عام كمية الأكل كبيرة وفيه حرفية فى تجهيز الأكل وطبخه، والجودة فى الفرع ده ما
اختلفتش كثير عن فروع ثانية فى شوارع كايرو.

ولما جاء وقت الشرب هرينا نفسنا
طلبات: أكسبريسو (10 جنيه)، القهوة التركي نفس السعر، بوتري أوريو شيك (24 جنيه)، كراميل
ماكياتو مثلج (18 جنيه) وحلينا كمان بنوتيلا تارت (22 جنيه)، المشروبات طعمها حلو
جدًا، الأوريو شيك كنا خايفين منه لا يطلع ثقيل ودسم لكن بالعكس كان لذيذ وخفيف
وحبيبات الأوريو كانت مطحونة قوي.

“بوتري” مكان قعدته
حلوة وجوه مختلف عن فرع الزمالك عجبنا أكثر الصراحة لأنه كمان أكبر حجمًا، لكن ده
ما يمنعش أن فرع الزمالك اللى زرناه قبل كده كان لطيف… الجرسونات كمان ودودين
ومتعاونين ومبتسمين دائمًا ودى حاجة بـ تفرق كثير فى أى مكان خروج، دلوقت إحنا
تأكد عندنا زيادة سبب لجوء الشباب له كمتنفس فى خروجاتهم.. من الآخر قائمة المفضلات
عندنا زاد عليها مكان مختلف.

نصيحة 360

موقع الكافيه على الإنترنت هـ تلاقى فيه معلومات وصور عن كل الفروع. وكمان منيو الأكل موجودة علشان خدمة التوصيل.

أحسن حاجة

المكان لطيف والأكل والشرب كمان.

أسوأ حاجة

مش لاقيين، إحنا انبسطنا!

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح