The Definitive Guide to Living in the Capital , Cairo , Egypt

تي بي إس – TBS

تى بى إس: فرع جديد فى أركان مول الشيخ زايد

  • داخل أركان مول
  • مخبوزات وحلويات
  • 16679
  • 8 صباحًا: 12 صباحًا
تم التقييم بواسطة
Aliaa Serry
قيم
قيم الآن
تى بى إس: فرع جديد فى أركان مول الشيخ زايد

الإفطار المتأخر أو البرنش: مفهوم رائع ويمكن يكون جديد شوية على منطقتنا، عبارة عن وجبة بين الإفطار والغداء. الحقيقة أنه وجبة مثالية للكسالى، و" تى بى إس – TBS" أحد أحلى سلاسل المخبوزات فى مصر، يعتبر من أنسب الأماكن لسد جوعنا فى وسط اليوم.

فرع تى بى إس الجديد فى أركان مول الشيخ زايد بـ يقدم لمستهم المعاصرة المميزة بألوان من البيج والبُنّي الخشّابي مع شبابيك زجاج شفافة بـ تسمح بانسياب أشعة الشمس داخل المحل بحجمه المناسب. أول ما دخلنا، قابلتنا رائحة المخبوزات الرائعة، وعلى طول راحت أنظارنا على الثلاجات وأرفف العرض اللى بـ تقدم مجموعة كبيرة مما لذ وطاب من الحلويات والمخبوزات، رحب بنا الموظف وانتظرنا لحد ما نستقر على طلبنا.

خلينا نشوف سريعًا تى بى إس عنده إيه؛ المنيو مكونة من تشكيلة كرواسونات حادقة وحلوة (7.75: 11.25 جنيه للقطعة)، مع أنواع مختلفة من الباجيت، التوست، التارت (9 : 12 جنيه للقطعة)، دانش (9 جنيه)، مافينز (7: 9.50 جنيه)، كروناتس (9.50 جنيه)، وكوكيز، ومينى بيتزا ودوناتس (8.25: 10.50 جنيه)، تى بى إس كمان قدِّم حديثًا مجموعة جديدة من الحلويات منها تارت الراسبرى والبلوبيرى (12 جنيه)، تارت الخضروات (10 جنيه) والفراخ (13.75جنيه)، فطيرة بافز بالطماطم المجففة، جبن فيتا مشطشطة وفيتا بالنعناع (8.25 جنيه)، كمان تقدر تعمل ساندويتشك على مزاجك، عن طريق اختيار الباجيت والحشو، أكيد كمان تقدر تستمتع بعصير طازج أو قهوة مع حلوياتك. طبعًا زى ما إحنا شايفين، الاختيارات متعددة.

بعد تفكير طويل لتحديد طلبنا، الموظف بمهارة غلف كل حاجة بشكل أنيق، أول قضمة معانا كانت مع المالتى سيريال كرواسون (8.25 جنيه) بطعمه الخفيف الغنى، والحقيقة أنه مختلف عن أى كرواسون جربناه فى حياتنا، الأكلات الصحّية ممكن طعمها يكون حلو. بعدها، دخلنا على ريكس ميلانو (9.25 جنيه)، المكوّن من عجين ملفوف على سوسيس، وطعمه كان طازج زى اللى فات. الميني بيتزا (7 جنيه) كانت لذيذة، رغم أن طعمها قريب جدًا من ريكس ميلانو. كرواسون اللوز (8 جنيه) كان لطيف، مسكَّر وعليه لوز مطحون لكن ينقصه حشو أكثر، ونفس الكلام بالنسبة لطعم Pain Au Chocolat (9.25 جنيه).

واضح أن تى بى إس بـ يقدر يحافظ على جودته فى أى مكان، وفعلاً كل حاجة كانت طازجة ولذيذة. وطبعًا زى ما متعودين، الموظفين هناك منتهى الترحيب والكفاءة، والمكان نظيف ومنظّم، وكلها أسباب بـ تدفعنا نرجع هنا ثانى.

نصيحة 360

تى بى إس بـ يوصل؛ اتصل بـ 16679.

أحسن حاجة

رائحة مخبوزات تى بى إس من عالم ثانى.

أسوأ حاجة

عزيزى تى بى إس، كل حاجة فينا بـ تطلب المزيد من حلوياتك اللذيذة، من فضلك لبّى دعوتهم.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح