The Definitive Guide to Living in the Capital , Cairo , Egypt

كافيهات
تيمبو كافيه

تيمبو كافيه: أكل ممتاز وخدمة عالية في الدقي

  • 12 شارع الموسيقار على إسماعيل، عدي سابقًا، أول يمين قبل المركز الثقافى الروسى، الدقي
  • عصائر
  • من 9 صباحًا إلى 2 صباحًا -
تم التقييم بواسطة
Mostafa Fathi Abdelfadil
قيم
قيم الآن
تيمبو كافيه: أكل ممتاز وخدمة عالية في الدقي

ناس كتير مؤمنة أنك علشان تلاقي مطعم أو كافيه كويس لازم تهرب من مطاعم وسط القاهرة وتروح الشيخ زايد أو التجمع، وأنك كا ما بتبعد عن قلب القاهرة كل ما بتلاقي مطاعم أفضل، لكن تيمبو كافيه الموجود في الدقي بالقرب من المركز الثقافي الروسي نجح يغير المقولة دي، الحقيقة أنه مش مجرد كافيه، هو كمان مطعم مميز بيقدم أكلات شهية.

مدخل المكان مبهج، وده بيديك مؤشر على أنك هتمر بتجربة حلوة، بمجرد دخولك هتلاحظ أن المكان مستواه مميز، بنتكلم عن النظافة تحديدًا، كمان المكان واسع وفيه مساحات بين كل ترابيزة والثانية وده بيدي خصوصية بيبحث عنها ناس كتير بتكره الأماكن الضيقة.

مستوى الخدمة في المكان يستحق نتكلم عنه، الموظفين كلهم مبتسمين ابتسامة حقيقية، بيقابلوك مقابلة كويسة، وبيهتموا بك، في تجربتنا الموظف طلبنا من الموظف يساعدنا ويقول لنا أفضل الأطباق والشروبات في المكان علشان أول مرة نزوره، والحقيقة أنه كان متعاون جدًا، شرح لنا مكونات كل طبق ومشروب.

رغم أن المكان كان فيه عدد كبير لكن بسبب المساحة الواسعة لتيمبو ماكوناش حاسين بالزحمة، واختارنا ترابيزة هادية، في البداية طلبنا من منيو الأكل ساندوتشات تملى التانك، طلبنا ساندوتش فراخ بانيه، (27 جنيه) وده بيتكون من قطع بانيه وخس ومايونيز، كان الطعم رائع، وتتبيلة الفراخ كانت مميزة، مش سهل أننا نلاقي بانيه مضبوط في مطاعم القاهرة، لكن الحقيقة أن تيمبو عرف يضبط الموضوع كويس. كمان حجم الساندوتش كان معقول ومناسب لشخص جعان.

طلبنا كمان ساندوتش تيمبو برجر جامبو، وده أجمل ساندوتش ممكن تأكله هناك، كل المكونات مضبوطة، ومحتوياته من خيار وكابوتشة وطماطم خلت الساندوتش أقرب لوجبة متكاملة، كل حاجة محطوطة بضمير فيه.

بعد الأكل قولنا لازم نجرب المشروبات اللي بيتميز بها الكافيه، اختارنا مشروب فلوريدا (23 جنيه) وده عبارة عن خليط من مانجو، فراولة، وجوافة، كانت تجربة أكثر من رائعة، المكونات كلها طازجة، ومتقسمة صح، ونسبة السكر مضبوطة، جربنا كمان تيمبو كوكتيل (28 جنيه) وده كان خليط من أكثر من عصير منهم مانجو وكيوي، طعمه كان رائع.

انتهت تجربتنا في المكان، لكننا واثقين أننا هنرجع ثاني، نجرب حاجات أكثر.

نصيحة 360

كل يوم من ٨ صباحًا ولحد 12 ظهرًا تقدر تجرب تشكيلة كبيرة من الحلويات.

أحسن حاجة

مستوى الأكل والخدمة.

أسوأ حاجة

أسعار المشروبات غالية شوية.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح