The Definitive Guide to Living in the Capital , Cairo , Egypt

خميرة

خميرة: مخبز غريب وجذاب فى الزمالك

  • 8 شارع البرازيل
  • مخبوزات وحلويات
  • 01025912502,0227380190,01025912501
تم التقييم بواسطة
Hannah Cooper
قيم
قيم الآن
خميرة: مخبز غريب وجذاب فى الزمالك
الزمالك بـ تحظى فى الأيام الأخيرة بنصيب كبير من المطاعم والكافيهات الجديدة؛ المنطقة فى حد ذاتها تحسها فعلاً كافيه واحد كبير. ويمكن عدد أماكن الأكل كبير ومتنوع، بس أنك تلاقى رغيف عيش أو كرواسون مميز مش حاجة بسيطة زى ما هـ تفتكر. الاختيار الوحيد عندك هو “تى بى إس”، هو فيه غيره أصلاً؟ لحسن الحظ، دلوقت عندك اختيار بديل.

المخبز الجديد “خميرة” فى شارع البرازيل والقريب من التقاطع مع شارع أحمد صبرى كان مفاجأة لنا. سهل تفوت المكان بسبب ديكوراته البسيطة المعتادة، علشان كده دور على يافطة برتقالى فيها كتابة أنيقة لونها بنى. المكان صغير من الداخل وده بـ يخلى رحلة وصولك للمخبوزات أسهل كثير، من الباب للأكل مباشرة.

“خميرة” مشروع عائلى بـ يقولوا أنه بدأ سنة 1930، بـ يمد أماكن متنوعة بمنتجاته المحبوبة مع التوسع بفروعه حول القاهرة. شعار المكان “العيش هو كل حاجة” وإحنا موافقين عليه.
حاجة واحدة أكيدة 100%: تنوع منتجاتهم مالوش حدود: عيش، وساندويتشات، ومعجنات ألمانية، ومقرمشات، وبسكويت، وكيكات، وتارتات وحاجات ثانية كثير. خبز شيباتا الطرى بـ 3.5 جنيه كان طعمه لذيذ، وطازج ومقرمش من الخارج ومغطى بالبذور والقمح الطبيعى. اختيارات قمح ثانية فى صورة الخبز الفرنسى baguettes   بسعر 9 جنيه و أقراص المعجنات loaves بـ 13 جنيه. أسعار الكرواسونات المحشية لَبنة، وشوكولاتة، ولوز، وزعتر، وجبنة عادية أو فيلادلفيا تتراوح بين 3: 8 جنيه. كرواسون الفيلادلفيا كان جامد بطعم الزبدة الممتع والكمية الكبيرة من الجبنة الكريمية، رغم أنه ما كانش مقرمش زى ما بـ نحبه.
أخيرًا وليس آخرًا بعد ما دفعنا 3.5 جنيه بس ثمن كيكة لذيذة مقرمشة من الخارج وفيها كمية ممتازة من الشوكولاتة والبندق من الداخل حسينا بالرضا تمامًا.
خميرة يعتبر مكان ممتاز لحلويات الحفلات، ممكن تجيب بيتي فور لذيذ وشكله أنيق وسعر الكيلو من 60: 80 جنيه. الكيكات، من ضمنهم التشيز كيك والكاروت كيك ثمنهم 80 جنيه ونفس الكلام بالنسبة للتارت. وكمان تقدر تشترى بالقطعة.

أكثر حاجة عجبتنا فى خميرة كانت طريقة تحضير منتجاتهم بطريقة لطيفة بحيث ما تكونش طرية زيادة. واضح جدًا أن الخباز بـ يركز فى كل التفاصيل والجودة وفى نفس الوقت بـ يحافظ على الطبيعية والبساطة.

خميرة عنده خدمة توصيل، ولو كنت بـ تحب تصحى بدرى اوعى تقلق! بـ يفتحوا بدرى بكل نشاط وحيوية من الساعة 7 صباحًا.

نصيحة 360

ادخل على الموقع علشان تعرف معلومات أكثر.

أحسن حاجة

أسعار معقولة، مخبوزات عالية الجودة؛ تقدر تقول لأ؟

أسوأ حاجة

النسكافيه ما ينفعش يبقى نكهة للبيتي فور، أبدًا.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح