The Definitive Guide to Living in the Capital , Cairo , Egypt

دونيتا – Donetta

دونيتا: كشك مينى دوناتس فى مدينة الرحاب

  • الرحاب 2، أمام قاعة ليلاك
  • مخبوزات وحلويات
  • 01069900004
  • 10 صباحًا: 12.30 صباحًا
تم التقييم بواسطة
Jessica Noble
قيم
قيم الآن
دونيتا: كشك مينى دوناتس فى مدينة الرحاب
بعد قضاء نصف ساعة كاملة من التوهان وسط متاهة مدينة الرحاب، أخيرًا وصلنا لكشك “دونيتا – Donetta” بلونه الوردى الفاتح مع الأبيض والمستخبى وسط ملاهى أطفال محدودة فى منطقة ليلاك.
زى ما الاسم بـ يوحى دونيتا متخصص فى المينى دوناتس الطازجة المتوفرة بنكهات مسكرة متنوعة زى الشوكولاتة، والكيوى، والفراولة، والتوت البرى، والسكر ونكهات ثانية كثيرة. ممكن تشكل علبة فيها 3، 6، 12 أو 24 قطعة (12: 59 جنيه) فى حين أن وجبات الكومبو بـ تشمل مجموعة من ست قطع دوناتس، وكورن دوج، وبطاطس ومشروب (21: 39 جنيه). الوجبات الخفيفة ممكن تباع لوحدها زى الكورن دوج (10 جنيه)، والبطاطس المحمرة (8 جنيه) أو الهوت دوج (10 جنيه) مع عصير كابى (5 جنيه)، وصودا (5 جنيه) ومياه معدنية (4 جنيه).

بدأنا اختياراتنا بواحدة من “كومبو رقم 2” ودى عبارة عن ست قطع دوناتس، وكورن دوج، وبطاطس وعلبة صودا (39 جنيه)، وكمان طلبنا “كومبو رقم 3” اللى تقريبًا كان نفس الموضوع، ماعدا أنه بدون أى دوناتس. غيرنا الكورن دوج فى الوجبتين بهوت دوج بدون أى تردد. قررنا نطلب على الواقف بافتراض أنها أكلات سريعة بدل ما نقعد عندهم ونطلب شيشة من الكافيه المجاور.
كان واضح جدًا أن الكشك فيه عمالة كثيرة وده سبب الزحمة، وشوفنا حالة من اللخبطة بـ تحصل مع نوع من الارتباك مع تأخر الطلبات فى وجود أكثر من طلب فى نفس الوقت.

فضلنا منتظرين بمنتهى الصبر وفى الآخر طلبنا نكهات الست قطع دوناتس يكونوا: شوكولاتة، وشوكولاتة بيضاء، وكراميل، وسكر القرفة، وماراجويا وفراولة. قالوا لنا أنهم محتاجين وقت علشان يعملوا صوص الفراولة، وعلشان نوفر فى الوقت بدلناه بكريز.
رغم أن المينى دوناتس غير كاملة الاستدارة كانت لطيفة ومغطاة بصوص لكن مش أجمل دوناتس شوفناها. الدوناتس الصغيرة نزلت وطلعت فورًا فى وعاء الصوص، قبل ما تتنظم جنب بعضها فى علبة طلبات صغيرة لونها وردى فى أبيض.
علشان حكمنا يبقى مضبوط جربنا جزء من كل قطع الدوناتس قبل ما يبردوا. كل الصوص المستخدم كان لذيذ، وسايح، وطعمه مسكر ومليان إضافات ممتعة، يمكن الاستثناء إلى حد ما كان سكر القرفة اللى كان برضه معقول بس طعمه أقرب لبودرة القرفة عن السكر.
الهوت دوج كان مستواه متوسط بـ يُقدم مع إضافة كبيرة من الكاتشب، والمايونيز والمسطردة فى عيش هوت دوج ملفوف وزنه خفيف ومش قد كده. البطاطس كانت محمرة كويس وطازجة، بس كانت غرقانة فى الملح.
“دونيتا” بـ يقدم أكلات خفيفة سريعة وبسيطة مع حلقات صغيرة لذيذة فى صورة مينى دوناتس.

نصيحة 360

دونيتا بـ يقدم خدمة التوصيل للمنازل! ادخل على صفحتهم على الفيسبوك واتصل بهم على 01069900004.

أحسن حاجة

صوص الدوناتس ممتاز، خصوصًا صوص الكريز.

أسوأ حاجة

الهوت دوج أقل من التوقعات.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح