The Definitive Guide to Living in the Capital , Cairo , Egypt

ديبي دو

ديبى دو: فواكة وفوندو أسطورية فى هليوبوليس

  • 6 شارع أنقرة
  • عصائر
  • 01110905111
تم التقييم بواسطة
Jessica Noble
قيم
قيم الآن
ديبى دو: فواكة وفوندو أسطورية فى هليوبوليس

مصر شهيرة بفواكهها اللذيذة اللى تعتبر من السلع الأساسية مش مجرد رفاهيات. “ديبى دو – Dippie Doo” الموجود فى شارع أنقرة فى هليوبولس بـ يحتفل بالفواكه الرائعة وبـ يقدم مجموعة ممتعة من ابتكارات العصير اللذيذة. “كافيه الفواكة” صغير حجمًا بس فى نفس الوقت متسع، بديكورات ألوانها ظريفة متدرجة بين الأخضر الفاتح، والأصفر والأحمر مع ترابيزات متجانسة وكراسى صغيرة للناس اللى تحب تقعد فى المحل.

مكان تحضير الطلبات ومكان الأكل الاثنين فى منتهى النظافة ورغم أن العصائر مغطاة علشان تحافظ على نضارتها، الموظفين برضه كانوا لابسين قفازات لضمان أكبر قدر من معايير النظافة.

بجانب المشروبات الخفيفة من الفواكة والزبادى منخفض السعرات، الحلويات المسكرة تشمل وافلز (15: 25 جنيه)، شيش فواكة مغطى بالشوكولاتة (8.99 جنيه) وشوكليت فوندو (19.99 جنيه: 23.99 جنيه). كمان الآيس كريم (14.99: 21.99 جنيه) والزبادى المثلج (15.99 جنيه: 22.99 جنيه) بـ يتقدموا مع مجموعة كبيرة من الإضافات، من قطع الشوكولاتة، الجرانولا والويفر لغاية الفواكة الطازجة.

مجموعة متنوعة من الصودا، والعصائر الفريش، مشروبات الزبادى والمياه المحلاة بالفواكة كلها متوفرة فى ديبى دو. عصير البلاك بيرى الطبيعى (19.99 جنيه) كان قليل جدًا لكن طعمه طازج، لاذع وطبعًا زى أى بلاك بيرى، مسكر بزيادة.

ما قدرناش نقاوم شكل كوب choc o’ doo بشوكولاتة البندق (24.99 جنيه)، مع اختيارك من الكنتلوب، الكيوى، الموز والعنب الأخضر. الكوب البلاسيتك الكبير كان مليان صوص ثقيل من الشوكولاتة بالبندق وقطع أوريو مقرمشة وفى القاع شوكولاتة بيضاء. كان من الصعب نخلص الكوب بسبب دسامته، مهما حاولنا.

بعدها، طلبنا وعاء صغير من الزبادى المثلج مع ثلاث إضافات (18.99 جنيه)؛ قطع شوكولاتة بالزبدة، قطع مانجو وجرانولا مقرمشة. الزبادى المثلج الطبيعى كان لذيذ وغنى، لكن الواضح فى الموضوع أن كمية الزبادى كانت أكثر بكثير من الإضافات.

“ديبى دو” بـ يجمع بين فواكة مصر الشهيرة بطعمها الصحي اللذيذ مع الحلويات الرائعة زى الشوكولاتة وغيرها، والنتيجة هى سناكس جميلة شهية.

نصيحة 360

"ديبى دو" بـ يبيع كمان عدد من الحلويات والبسكويت.

أحسن حاجة

أوعية الفواكة والشوكولاتة.

أسوأ حاجة

كل ابتكار معمول بإتقان، وده معناه أنك ممكن تنتظر شوية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح