The Definitive Guide to Living in the Capital , Cairo , Egypt

شيري أون توب

شيري أون توب: زبادي مثلج وكب كيك في مصر الجديدة

تم التقييم بواسطة
Jessica Noble
قيم
قيم الآن
شيري أون توب: زبادي مثلج وكب كيك في مصر الجديدة
بعد جولة تسوق مرهقة في سيتي ستارز بمحلاته اللي ما بـ تخلصش، كان أحسن حاجة نعملها نأكل أو نشرب حاجة مثلجة. زبادي مثلج منعش وحتة كب كيك فريش ومسكرة! هو ده الكلام..«شيري أون توب» اللي ظهر أمامنا في الدور الأرضي أصبح منافس خطير لمحلات الحلويات من النوع ده في كايرو.

محاط بعدد من الكوفي شوب اللي بعد الفوود كورت اللي تحت، هـ يلفت نظرك بترابيزاته وكراسيه البيضاء اللميع اللي زي ديكورات العيادات، واللافتات المكتوب عليها بالوردي الفاتح. والمنيو الكبير اللي محطوط على الحائط بـ يوضح أن ده مش مجرد مكان عادي لتناول القهوة، لإنما بـ يقدموا تشكيلة كبيرة من نكهات الزبادي المثلج والكب الكيك المرصوص بطريقة مغرية على نهاية الكاونتر.
أخذنا منيو صغير وقعدنا نتأمل الاختيارات وإزاي ممكن يكون طبقنا المثالي. وفجأة ظهر واحد من موظفين البيع في المحل ومعاه عينات من الزبادي علشان نتذوقها ونعرف نختار. الأولى كانت هاوايان ديلايت والثانية كانت بطعم عجين كيك. المذاقات كانت دقيقة بطريقة ما حصلتش، سواء في الفاكهة أو نسبة السكر وبالذات لأننا ماحسيناش بطعم القرمشة اللي بـ نلاقيه أحيانًا في الزبادي لما بـ يبقى مسكر.
«شيري أون توب» بـ يقدم أحجام صغير ومتوسط وكبير وحجم عائلي من الزبادي. وممكن تحط من 4 لـ 6 إضافات على كل كوباية، والأسعار بـ تتراوح بين 16 لـ 67 جنيه. ولما جربنا قطعة الكيك بطعمها الخطير قررنا نعمل طبقنا من الكيك والزبادي المثلج من الحجم الوسط مع 6 إضافات (42 جنيه) وبدأنا نتفرج على أنواع الإضافات المعروضة تحت زجاج الكاونتر واختارنا في النهاية الكراميل وافلز وبسكويت الأوريو وقطع شوكولاتة الكيت كات وحبات الـ M&M وكرسبي البسكويت، ودلوقتي إحنا مقتنعين اننا عملنا أجمل قطعة كيك بالشوكولاتة “مثلجة” ممكن تحصل.
الكب كيكس هنا بـ تيجي كل يوم فريش، فكان لازم نجرب حاجة تانية من الفريش ده، يعني مثلا واحدة كب كيك بالفانيليا (12 جنيه) ودي كانت طريقة والكيك الاسفنجي غني بالطعم وخفيفة في نفس الوقت وحجمها معقول جدًا وعليها آيسنج زبدة الفانيليا من فوق. وكنا سمعنا ناس بـ تشكر في كب كيك الفراولة (15 جنيه) والجزر (14 جنيه) والأوريو (16 جنيه) وده خلانا متأكدين أن المكان ده هـ يبقى منافس قوي جدًا لمحلات الكب كيك الموجودة في القاهرة في حالة أنه يعمل دليـﭭري.
«شيري أون توب» بـ يعمل سموزي الزبادي المثلج بجانب الشاي والقهوة وطبعًا المياه المعدنية. بس الغريب أنهم مش بـ يبيعوا أي مياه غازية اللي كنا محتاجينها فعلًا بعد رحلة التسوق المتعبة.
المحل إضافة حقيقية لمحلات الكب كيك اللي انتشرت بشكل جنوني في العاصمة مؤخرًا، بس الجديد هنا أنهم بـ يعملوا افتكاسات في الأصناف اللي بـ يقدموها. وزي ما الشعار اللي هما حاطينه بـ يقول: خذ لك “زبادي مثلج عالماشي” أو “Frozen Yoghart your way”.

نصيحة 360

«شيري أون توب» بـ يعمل كاترنج وبـ يجهز حفلات. اتصل بهم على الرقم ده 0224802948 علشان تعرف تفاصيل أكثر.

أحسن حاجة

أصناف لذيذة ومبتكرة كثيرة في المنيو بتاعهم.

أسوأ حاجة

موقع المحل في حتة زحمة وممكن تضايقك دوشة الناس اللي في المول حواليك، بس ممكن تأخذ حاجتك تيك آواي وتبعد طبعًا.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح