The Definitive Guide to Living in the Capital , Cairo , Egypt

عبد الرحيم قويدر

عبد الرحيم قويدر: آيس كريم تموت عليه

  • 42 شارع طلعت حرب
  • مخبوزات وحلويات
  • 0225755189
  • 9 صباحاً - 1 صباحاً
تم التقييم بواسطة
Lena Alsayegh
قيم
قيم الآن
عبد الرحيم قويدر: آيس كريم تموت عليه

من غير كلام «عبد
الرحيم قويدر» من أحسن محلات الحلويات في المدينة، «قويدر» بـ يقدم احلى آيس كريم
في العالم كله وكمان أنواع حلويات تانية كتير رائعة وشهية.

الحلويات
الشرقية عنده دايماً صابحة ولذيذة والكيلو منها سعره من أول 30 جنيه لـ85 جنيه،
والآيس كريم بالشيكولاتة عنده لذيذ جداً، بس خد بالك من السكريات لان وانت بـ
تأكل في «قويدر» هـ تحس بـ طعم السمنة في فمك وطبعاً كلنا عارفين أضرار ده على
القلب.

«قويدر» واجهته القديمة بـ تبص على شارع طلعت حرب في وسط البلد، «قويدر»
محل حلويات قوي جداً ويمكن احلى من محلات الحلويات في باريس.

من الحاجات
المفضلة لينا في «قويدر» الكنافة المحشية كريمة لذيذة ومرشوش على الوش فستق، واكيد
طبعاً الآيس الكريم بالشوكولاتة الرائع والغني بطعم الشوكولاتة، وفيه نكهات تانية
حلوة قوي عندهم ولازم تجربها زي الآيس كريم الفستق وآيس كريم البلح؛ الإثنين طعمهم
رائع.

ما تتلخبطش
ما بين المحل ده والتاني اللي في «الزمالك»، لأنهم مختلفين، وفي رأينا «عبد الرحيم قويدر» بـ يقدم نفس
الحلويات قويدر الزمالك بس بجودة احسن.

رغم ان في
فروع كتير غيرت شكل محلاتها لشكل عصري أكتر شبه الكافيهات بس فرع «وسط البلد»
لسة زي ما هو، محافظ على شكله القديم الكلاسيكي، وهـ يدوقك حلويات هـ تشبعك وترضي رغبتك في حاجة مسكرة بطريقة مالهاش مثيل.

نصيحة 360

ما تزهقش من الزحمة اللي عنده، لإنه يستاهل انك تستنى.

أحسن حاجة

الآيس كريم عنده معمول بشكل رائع.

أسوأ حاجة

محل الحلويات «قويدر» إدمان وده خطر على صحتك.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح