The Definitive Guide to Living in the Capital , Cairo , Egypt

قهوة – qahwa

قهوة: كافيه جديد بقهوة وروح مختلفة فى أركان مول الشيخ زايد

  • أركان مول - أمام مدينة زايد 2000 - الشيخ زايد
  • مخبوزات وحلويات
  • 01224185251
تم التقييم بواسطة
Angie El Batrawy
قيم
قيم الآن
قهوة: كافيه جديد بقهوة وروح مختلفة فى أركان مول الشيخ زايد
فى كل مرة نكتب مقال نقدي عن مكان فى أركان مول لازم نسجل حبنا وإعجابنا للمكان هناك اللى ما بـ نملش نروحه كل ما نحتاج نغير موود ونشم هواء نقى ونقعد فى Community جميلة.
بشعار “Coffee to go.. taste to stay” وديكور جذاب له روح أورينتال مع مودرن ولوجو شكله حلو لقيناه فاتح جديد فى المكان، كافيه «قهوة – qahwa» واضح من اسمه أنه بيت للقهوة والمشروبات، صاحب المكان بـ يقول لنا أن ده تخصصهم وكمان هما عندهم نوع بن وقهوة مش عند باقى الكافيهات الثانية، ودي كانت بداية جر رجلنا لهم.
المكان له قعدتين بره وجوه، لكن اللى بره أفضل خاصة بالليل لما الدنيا بـ تلطف شوية والهواء بـ يكون وهمي هناك، الكنب لونه بني والفرش بيج وفيه مخدات ناشفة شوية لكن محطوطة بالمايل فمريحة للظهر، الجزء الداخلى واسع وفيه ترابيزات وكراسي أمامها كاونتر كبير لعمل المشروبات وثلاجة للحلويات والثانية لمكونات الساندويتشات، والحائط المقابل للكاونتر مكتوب عليه بشكل وتصميم جميل “Coffee smells like freshly brewed heaven”.
فريق العمل هناك لطيف وجاوبونا على استفسارات كثير لأن وقت زيارتنا كانت المنيو لسه مش مطبوعة وهـ تكون متوفرة كمان يومين، بس ممكن ما ترهقش الجرسون لأنك هـ تلاقى Board كبيرة خضراء جوه وراء الكاونتر الكبير عليها عناصر المنيو وأسعارها، أغلبها مشروبات زي القهوة بأنواعها والمشروبات الساخنة والباردة وأنواع تحلية مختلفة ومخبوزات وأنواع عيش، بالنسبة للأكل الاختيارات محدودة ممكن هناك تعمل ساندويتش من اختيارك من الثلاجة اللى فيها مكونات من أنواع جبن ولحم وفراخ وخضار (زي نظام TBS وBread Basket) ويتعمل الساندويتش من اختيارك وأمام عينيك، وكمان ممكن يعملوا لك سلاطة (اسأل عن السلاطات المتاحة).

بدأنا بالأكل (رغم أنه مش تخصص أساسي عندهم ومش مكتوب فى المنيو) وطلبنا سلاطة تشيكن سيزر (32 جنيه) وساندويتش سموكد تشيكن (30 جنيه) اللى أختارنا مكوناته من الثلاجة وكمان نوع العيش وعملوه لنا وإحنا واقفين لكن الجرسون هو اللى وصل طلبنا لحد الترابيزة بره، السلاطة كانت رائعة والمكونات طازجة والكمية كويسة والصوص تحفة بس كان مملح شوية، صاحب المكان شخص ذوق جدًا جاء لنا عرفنا بنفسه وقعد يتطمئن أول بأول على كل حاجة بـ تنزل لنا، ونصحنا أننا لازم نجرب البن اللى عنده علشان هو متخصص فى نوع مش موجود عند كافيهات ثانية. الساندويتش كان لطيف العيش طازج والمكونات كمان وحجمه معقول، بس بمقارنة سعر السلاطة والساندويتش بحجمهم رأينا أنه زيادة شوية.

ولأننا مالناش فى القهوة قوي تكلمنا مع صاحب المكان ورشح لنا نأخذ كابتشينو لأن برضه وعدنا أن طعمها هـ يكون مختلف، اختارنا كابتشينو بالكراميل (حجم Regular) بـ 21 جنيه، وكمان جربنا من المشروبات الباردة كوكيز أند كريم شيك (حجم Regular) بـ 22 جنيه واللى شدنا من وسط المنيو، الكابتشينو كانت جيدة بس ما حسيناش باختلاف قوي يمكن لاختلاط طعم الأكل مع الشرب بس هي كانت حلوة واستمتعنا بها، الكوكيز أند كريم كانت روعة، بجد قليل قوي لما مكان بـ يضبط قوام الـ Shake بحيث ما يبقاش فيه جزء متركز فيه سائل وجزء فيه ثلج، الكوباية كلها كانت قوام واحد غني، تحفة، وشكرنا صاحب الكافيه اللى شرح لنا إزاي بـ يعملوها مختلفة عن أماكن ثانية علشان يحفظوا قوامها كده.
الحلويات هناك فى ثلاجة العرض كان شكلها يفتح النفس، كان فيه تارت فاكهة وشوكولاتة وتشيز كيك وكوكيز وترايفل بس ما جائتش فرصة نذوقها، بس أكيد فى زيارة ثانية، المكان بـ يضيف على الطلب 12% خدمة، وأحلى حاجة مشينا من المكان وهي معانا ذكرى “فواحة عربية” على شكل كوب قهوة عليه اللوجو أهداها لنا صاحب المكان بمناسبة الافتتاح، عربيتنا رائحتها بقت كأننا وقعنا فى برميل كافيه والرائحة كمان كانت قوية، بس فكرة حلوة للدعايا منهم.
لو عاوز تقعد فى مكان لطيف وتستمتع بمشروبات غنية ومعمولة بحرفية وحلوة لازم تعدي على “قهوة”.. وإحنا سيبنا لك الحلويات هناك تروح تجربها وتستمتع بها هناك.. وابعث لنا رأيك فى أقرب وقت على إيميل الموقع أو على صفحة الفيسبوك.

نصيحة 360

"قهوة" عندهم ماجات حلوة عليها لوجو المكان بـ يبيعوها هناك على الجنب.

أحسن حاجة

الكوكيز أند كريم شيك.. برافو أنهم ضبطوه.

أسوأ حاجة

سعر الأكل محتاج تضبيط.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح