The Definitive Guide to Living in the Capital , Cairo , Egypt

شيكسبير كافيه – Shakespeare Café

كافيه شكسبير: بيت للقهوة جديد فى مدينة نصر

  • شارع عباس العقاد
  • ألبان وآيس كريم
  • 0222634201
تم التقييم بواسطة
Salma Tantawi
قيم
قيم الآن
كافيه شكسبير: بيت للقهوة جديد فى مدينة نصر

عباس العقاد.. الشارع الأكثر ازدحامًا فى مدينة نصر هـ تلاقى محلات جديدة
ومطاعم وكافيهات عادة مش ظاهرة أو مرئية بسبب كمية الأماكن الحيوية الموجودة هناك.

“كافيه شكسبير” يعتبر إضافة جديدة للأماكن دي، رؤيتك لاسم شكسبير
وكمان اللوجو اللى استخدموا فيه صورته وهو ماسك فنجاج قهوة ومبتسم هـ تخلي عندك -وعند
أى حد معدي من أمام المكان- فضول تدخل تستكشف المكان.

على الرغم من أن الديكور مش واخد طابع العصور الوسطى إلا أن القعدة
باللونين البني والأحمر كانت مريحة ومزدحمة بالناس، منيو المكان مقسمة إلى مشروبات
ومأكولات زيها زي منيو أى كافيه، وكمان قسم للأفطار فيه أصناف زي الكرواسون (7.75
جنيه) والأومليت (13 جنيه) اللى ممكن تضيف عليه جبنة شيدر بـ 3 جنيه.

من كل الأصناف اللى شفناها أمامنا من سلاطات وبرجر وساندويشات شاورما واختيارات
أطباق الباستا طلبنا ساندويتش تشيكن فيليه (24.75 جنيه)، وزى ما وعدنا الجرسون
لقيناه مليان بالنكهة وشهي، الفراخ كانت مشوية ومستوية كويس جدًا ومحطوط فوقها
مشروم وخس وجبنة موتزاريلا كثير فى عيش طازج بالسمسم.   

تيمة المنيو تحسها إيطالى، بيتزا الخضروات (28 جنيه) كانت محتوياتها غنية
وجوانبها كانت طرية، على الرغم أنها ما كانتش طازجة لكن الفلفل والبصل
والموتزاريلا عوضوا النكهة.

الأصناف فى المنيو أسماءها على اسم مؤلفات لشكسبير زي “كينج لير
كوكتيل” (21.75 جنيه) المكون من كيوي ومانجو وبرتقال. وكمان ممكن تختار
مكونات الكوكتيل بتاعك فى قسم “As you like it” (21.75 جنيه)، وفيه كمان قسم للقهوة
والسموسيز. وكمان المكان بـ يستفيد من المساحة الواسعة اللى عندهم وبـ يقدم شيشة
بـ 22 جنيه.

بشكل عام كافيه شكسبير بـ يقدم أطباق وأكلات رئيسية وتنويعات كبيرة من
المشروبات، روح المكان هـ تخليك عاوز تقعد وقت أكبر والحلو فيه أنه مش زحمة.

نصيحة 360

كافيه شكسبير ممكن تعمل فيه حفلة عيد ميلادك أو لو أنت عندك مناسبة قريب.

أحسن حاجة

اختيارات جيدة من المشروبات والساندويتشات.

أسوأ حاجة

الكافيه موجود فى الدور الثاني، وبالتالى قد يكون صعب تلاقيه من أول مرة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح