The Definitive Guide to Living in the Capital , Cairo , Egypt

كوبرميلت – Coppermelt

كوبرميلت: حلويات وكيكات عالية الجودة من حلوانى القاهرة الجديدة المميز

  • 279 عمارات معمار
  • مخبوزات وحلويات
  • 01028000445
  • 9 صباحًا: 12 صباحًا
تم التقييم بواسطة
Aliaa Serry
قيم
قيم الآن
كوبرميلت: حلويات وكيكات عالية الجودة من حلوانى القاهرة الجديدة المميز

كل ما الجو يبرَّد أكثر، الاشتياق للأكلات اللذيذة بـ يزيد؛ دى حقيقة علمية معملية! الشتاء فى الحقيقة بـ يقدر يحولنا لمهاويس بالسكريات. من حسن الحظ أن مصر بينها وبين الحلويات قصة حب طويلة، وكل يوم بـ يظهر فيها مكان جديد.

واحد من الأماكن الجديدة هو "كوبرميلت – Coppermelt" اللى بـ يقدم نفسه ككافيه ومطعم، والوصف ده صراحة بـ يبخس حق حلوياته ومخبوزاته الرائعة.

مكانه غريب إلى حدٍ ما قريب من شارع التسعين الشهير. كوبرميلت بـ يقدم طابع وأجواء أوربية معاصرة، شكل المكان كان أنيق، بدرجات ألوان من الرمادى وتصميم كوبرميلت البارز والمكان نفسه مميز ومنظم بشكل هائل.

رحب بنا موظف لطيف عرفّنا بحلوياتهم الساحرة، وعمل لنا جولة سريعة فى المكان، بدأنا مع جانب الحلويات، وفيه شوفنا كيكات رائعة (165: 175 جنيه) أبرزهم كيكة البلوبيرى–ليتشى بشكلها المبهر. بعدها شوفنا عرض الكيك بايتس الملوّنة (6.5 جنيه للقطعة) وقدم الموظف قطعة لكل واحد مننا علشان نجرّبها؛ الريد فيلفيت والشوكولاتة بزبدة الفول السودانى كانوا من كوكب ثانى، وبـ يذوبوا فى ثوانى بطعمهم اللذيذ. شوفنا كمان عرض لكيكات المرينجي بنكهات متنوعة، كوكيز (3: 17 جنيه للقطعة)، براونيز (12 جنيه للقطعة) وديرت كيكس مغلفة (25 جنيه)، مع حلويات شرقية (150 جنيه للكيلو). اكتشفنا كمان ابتكار ثاني وهو مهلبية بالبلوبيرى (19 جنيه).

نروح على حاجات حادقة، وفى الجزئية دى كوبرميلت بـ يقدم مجموعة من الساندويتشات والبيجلز محشية سلامون، فراخ، روست بيف وحاجات ثانية (20: 25 جنيه)، شوفنا كمان مينى بيتزا وعيش بكل الألوان، والأشكال والأحجام.

بعد جولتنا، وصلنا للأسف لمرحلة اختيار قطع محدودة، بعد تفكير عميق، طلبنا شوية كوكيز ريد فيلفيت (8 جنيه للقطعة)، شوية براونيز شوكولاتة، قطعة كيك ريد فيلفيت أسفنجية (8 جنيه) وديرت كيك فانيليا (25 جنيه)، وفى ثوانى كانوا معبئين فى علب صغيرة شيك.

صعب نقول أن الحلويات كانت خارقة للعادة؛ الكوكيز كانت صعبة المضغ، سكّرها قليل ومليانة قطع شوكولاتة بيضاء، أما البراونيز برضه كانت متوسطة، لكن الفكرة كانت خفتّهم رغم وجود قطع شوكولاتة داكنة. كمان، الديرت كيك كانت دسمة شوية وطعمها لذيذ، وكيك الريد فيلفيت الأسفنجية كانت رائعة رغم أنها محتاجة نوع من النكهة، ويمكن السبب عدم وجود أى Icing.

احتمال كبير نقضى الشتاء مع كوبرميلت، مع عرض الحلويات المنظّم، الخدمة الرائعة والحلويات اللذيذة، كوبرميلت أكيد إضافة مميزة للقاهرة الجديدة.

نصيحة 360

تقدر تستريح وتستمع بحلوياتك داخل المحل أو تطلب توصيلها. كوبرميلت عنده كمان خدمة تقديم الأكل فى المناسبات.

أحسن حاجة

خدمة مميزة، تصميمات شيك وحلويات لذيذة، نفسك فى حاجة ثانى؟

أسوأ حاجة

مافيش منيوهات أو أسماء على أى من المعروضات، وبكده تضطر تسأل على كل حاجة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح